Paralizavanaha hałoŭnaha architektara Minska adpuścili pad zastavu
Byłoha hałoŭnaha architektara Minska Paŭła Łučynoviča, jakoha na minułym tydni dastavili ź SIZA ŭ balnicu, adpuścili z-pad varty pad zastavu. Pra heta Realty.tut.by paviedamiła infarmavanaja krynica.

2 vieraśnia Paŭła Łučynoviča z paralušam nižniaj častki cieła i infiekcyjnym dyjahnazam dastavili ź SIZA na Vaładarskaha ŭ 5-ju haradskuju kliničnuju balnicu, dzie jon zaraz znachodzicca. Učora ž jamu źmianili mieru strymańnia z utrymańnia pad vartaj na zakład, raspaviała krynica.
Nahadajem, Paŭła Łučynoviča zatrymali 16 sakavika 2019 hoda pa padazreńni ŭ atrymańni chabaru ŭ čatyry tysiačy dalaraŭ ad pradprymalnika. Druhi epizod, u jakim abvinavačvajuć Łučynoviča, — atrymańnie im šampanskaha i prysmakaŭ pierad Novym hodam ad pradstaŭnika kamiercyjnaj kampanii.
Kamientary