15 krasavika ŭ Hrodzienskim rajonie za 1,5 kiłamietra ad miažy pamiežniki zatrymali dvuch žycharoŭ Hrodna. 31 i 32-hadovyja hrodziency vykarystoŭvali dron dla pieramiaščeńnia cyharet praź biełaruska-polskuju miažu. Dla hetaha jany pierarabili kvadrakoptar samatužnym sposabam, paviedamlaje Dziaržpahrankamitet.
Mužčyn pryciahnuli da administracyjnaj adkaznaści pa č. 1 art. 23.30 KaAP Biełarusi za parušeńnie pamiežnaha režymu, a mienavita za niezakonnaje vykarystańnie latalnaha aparata ŭ miežach pamiežnaj zony biez apaviaščeńnia orhanaŭ pamiežnaj słužby. Im pahražaje štraf da 50 bazavych, abo 1275 rubloŭ.
Dron i 8 błokaŭ cyharet pieradali supracoŭnikam mytni.
Kamientary