Za patrony i vybuchoŭku raspačataja kryminalnaja sprava na praciŭnika budaŭnictva akumulatarnaha zavoda ŭ Breście
Aktyvist bresckaj inicyjatyŭnaj hrupy suprać budaŭnictva akumulatarnaha zavoda Majsiej Maźko zatrymany paśla taho, jak u jaho mašynie znajšli patrony, brykiet rečyva, padobnaha da vybuchoŭki, i zapał. Pra heta Radyjo Svaboda paviedamiŭ pravaabaronca Raman Kiślak.
U dačynieńni da Majsieja Maźko raspačataja kryminalnaja sprava pavodle č. 2 art. 295 Kryminalnaha kodeksa (niezakonnaje abaračeńnie zbroi i bojeprypasaŭ). Sankcyja artykuła praduhledžvaje pazbaŭleńnie voli da 7 hadoŭ.
3 krasavika ad ranicy prachodzić pieratrus doma ŭ jahonaha syna Dzianisa Maźko.
Aŭtamabil, na jakim jechaŭ Majsiej Maźko, spynili 2 krasavika a 15.30 supracoŭniki DAI pad Brestam. Jak raskazaŭ Raman Kiślak, supracoŭniki DAI spačatku skazali, što mašyna Maźko padobnaja da mašyny z Vysokaha.
«Pabačyli ŭ sałonie čorny pakiet i spytali, što ŭ im. Maźko skazaŭ, što nie viedaje, i razharnuŭ, a tam pradmiety, padobnyja da patronaŭ», — raskazaŭ pravaabaronca.
Chutka pryjechali supracoŭniki Śledčaha kamiteta, ekśpierty. U pakunku byli znojdzienyja jašče brykiet nieviadomaha rečyva, padobnaha da vybuchoŭki, i zapał.
Pavodle Kiślaka, aŭtamabil, na jakim jechaŭ Maźko, naležyć nie jamu, a manastyru, dzie jon pracuje zaŭhasam.
Pradstaŭniki inicyjatyŭnaj hrupy, jakaja pratestuje suprać zavoda, kažuć, što ličać situacyju z Majsiejem Maźko pravakacyjaj suprać pratestoŭcaŭ.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ11
Kamientary