Pasoł Rasii Babič: Pamiž miakkaj biełarusizacyjaj i derusifikacyjaj vielmi tonkaja miaža
Karespandent RT pacikaviŭsia ŭ dypłamata, što aznačaje palityka miakkaj biełarusizacyi, jakaja pravodzicca ŭ krainie «ź viedama ŭładaŭ», i ci moža heta pahražać ruskamoŭnamu nasielnictvu Biełarusi.
— Vielmi tonkaja miaža pamiž miakkaj biełarusizacyjaj i derusifikacyjaj. Patłumaču, u čym hetaja tonkaść zaklučajecca. Nasamreč vyvučeńnie rodnaj movy, rodnaj historyi, rodnaj kultury, tradycyj svajho naroda — heta navat nie prava, heta abaviazak luboha naroda, jaki nie choča stracić samaidentyčnaść. I było b dziŭna jakim-niebudź čynam abmiažoŭvać u niezaležnaj i suvierennaj dziaržavie hetyja mahčymaści.
Pasoł taksama pryvioŭ u prykład saviecki pieryjad — na jaho dumku, mienavita tady aktyŭna raźvivałasia biełaruskaja mova, nacyjanalnaja kultura, nacyjanalnaja adukacyja. Jon ličyć, što kali Biełaruś i siońnia idzie ŭ hetym kirunku, to ŭ hetym niama ničoha drennaha. Pry hetym Michaił Babič adznačyŭ, što heta nie pavinna adbyvacca za košt uščamleńnia ruskaj movy, sumiesnaj kultury ci historyi.
— Znajści hety bałans siońnia vielmi važna, kab nie skacicca ŭ hetuju niehatyŭnuju rytoryku, pad jakoj čaściakom ničoha niama. Ja ŭžo šmat razoŭ kazaŭ, nakolki bieražlivyja adnosiny ŭ Biełarusi da ruskaj movy. Na jaje nichto nie zamachvajecca, naadvarot stvarajucca ŭmovy dla raźvićcia. Tamu tut treba ŭvažliva hladzieć, što nasamreč adbyvajecca, a što nam sprabujuć naviazać jak niejkija pracesy, jakija nibyta adbyvajucca. Ale hety bałans treba ŭličvać, i ni ŭ jakim razie nie zamachvacca na aśpiekt nacyjanalnaj kultury, raźvićcia movy i inšych elemientaŭ samaidentyčnaści naroda.
Tamara Vińnikava pradała svoj łondanski dom, zaviešany karcinami samoj siabie ŠMAT FOTA23
Kamientary