KDB: Kiraŭnik adnaho z rajonaŭ Minska, što ŭznačalvaje antykarupcyjnuju kamisiju, nachabna štotydzień biaspłatna atrymlivaje pradukty
Kiraŭnik adnaho z rajonaŭ Minska, jaki ŭznačalvaje antykarupcyjnuju kamisiju, štotydzień biaspłatna atrymlivaŭ pradukty ź sietkavaj kramy, zajaviŭ staršynia KDB na naradzie Łukašenki z aktyvam stalicy 20 śniežnia. U rehularnaj pajcy było navat marožanaje, paviedamiŭ kiraŭnik viedamstva ŭ efiry telekanała «Biełaruś 1», piša Tut.by
Valeryj Vakulčyk skazaŭ, što stalica ŭ pytańni karupcyi źjaŭlajecca adnym z samych prablemnych rehijonaŭ. Pavodle jaho słoŭ, u Minsku karupcyjnyja prajavy vyjaŭleny pa ŭsich śfierach, uzroŭniach i napramkach: ad kiraŭnictva Minharvykankama i pramysłovych hihantaŭ da rajonnych paliklinik i školnych stałovych.
— Adzin ź dziejnych kiraŭnikoŭ rajonnaj administracyi, darečy, jaki ŭznačalvaje terytaryjalnuju antykarupcyjnuju kamisiju, nachabny da takoj stupieni, što kožny tydzień pa čaćviarhach biaspłatna atrymlivaje praduktovy nabor z adnoj ź sietkavych kramaŭ. Jak byccam žyvie ŭ hałodnyja časy deficytu. Soramna kazać, ale zvyčajnyja ryba, kuryca, alej, pielmieni i navat maroziva — heta nabor štotydniovaha pajka čynoŭnika. Pryčym zakazy pastupajuć nie tolki ad jaho i jaho žonki, ale i ad ich svajakoŭ.
Vakulčyk taksama spyniŭsia i na spravie byłoha kiraŭnictva Hałoŭnaha ŭpraŭleńnia spažyvieckaha rynku.
— Majučy niemaleńkija zarobki, niekatoryja słužbovyja asoby apuskajucca da adkrytaha irvactva. Tyja ž kiraŭniki hałoŭnaha ŭpraŭleńnia spažyvieckaha rynku rehularna naviedvalisia ŭ staličny CUM pa tavary, nie płaciačy za ich, i arhanizoŭvali bankiety ŭ minskich restaranach za košt padparadkavanych pradpryjemstvaŭ.
Na čaćviarhovaj naradzie Alaksandr Łukašenka skazaŭ čynoŭnikam ź Minharvykankama, što karupcyja niedapuščalnaja i adkaznaść za karupcyjnyja złačynstvy budzie ŭzmocniena.
— Nie byvaje takoha vypadku, kab vy ździejśnili karupcyjny ŭčynak abo pravinu i pra heta mnie nie stała viadoma. Nikoli takoha nie było. Kali mnie dakładvajuć pra padobnyja rečy, patrabavańnie adno — na miescy złačynstva. Nie prablema. Hienierały mnie kažuć: «Nie prablema, Alaksandr Ryhoravič». Ja dumaju — niaŭžo. I ni razu, dzie jany skazali «nie prablema», — ź videa, jakoje dakazvaje złačynstva, aŭdyja na stoł… Tolki tady z majho viedama prymajucca rašeńni, navat pa tych, chto nie ŭvachodzić u kadravy rejestr, — raspavioŭ kiraŭnik dziaržavy.
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Kamientary