V.a.premjer-ministra Armienii Nikoł Pašynian nie vyklučyŭ mahčymaści pierachodu ad parłamienckaj da prezidenckaj formy kiravańnia ŭ krainie. Takuju zajavu jon zrabiŭ u niadzielu ŭ horadzie Sisianie na pieradvybarnym mitynhu błoka «Moj krok», piša TASS.
«Kali my pierakanalisia ŭ nieabchodnaści zamieny parłamienckaj formy praŭleńnia prezidenckaj, to nas ničoha nie skoŭvaje, i my, z vašaj zhody, heta zrobim», - skazaŭ Pašynian, źviarnuŭšysia da prysutnych.
V.a. kiraŭnika armianskaha urada taksama dadaŭ, što jość niekatoryja punkty ŭ kanstytucyi, jakija «sapraŭdy treba źmianić». «U našaj kanstytucyi padkreślena, što ministram ci deputatam moža stać toj čałaviek, jaki za apošnija čatyry hady źjaŭlaŭsia tolki hramadzianinam Armienii i pastajanna pražyvaŭ u respublicy. Kali ŭ vypadku z parłamientaryjami taki padychod apraŭdany, to ŭ vypadku ź ministrami heta nie daje pryciahvać patencyjał dyjaspary», — rastłumačyŭ jon.
U Armienii ŭ 2015 hodzie była praviedziena kanstytucyjnaja reforma - prezidenckaja forma praŭleńnia była zamieniena na parłamienckuju.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ11
Kamientary