Biełarusam prychodziać «listy ščaścia»: patencyjnych «darmajedaŭ» prosiać paćvierdzić zaniataść
Žycharam Babrujska stali prychodzić listy z vykankamu z prapanovaj paćvierdzić svaju zaniataść. Inakš za haračuju vadu jany buduć płacić pa poŭnaj, piša babruysk.by.
Adpraŭnik listoŭ - haradskaja kamisija pa kaardynacyi raboty pa sadziejničańni zaniataści nasielnictva horada Babrujska. Pracuje takaja kamisija ŭ harvykankamie z maja biahučaha hoda.
U paviedamleńniach havorycca, što ciapier farmujucca śpisy pracujučych i niepracujučych hramadzian. Padkreślivajecca, što «kamisija nie maje źviestak ab Vašaj zaniataści ŭ ekanomicy».
Jak patłumačyła sakratar kamisii, heta aznačaje, što listy rassyłajucca tym, kaho niama ŭ bazie vykankama. Takim hramadzianam treba paćvierdzić, što jany pracujuć, inakš jany buduć zaličanyja da «darmajedaŭ». Sami kamisii nie buduć vyśviatlać, pracuje čałaviek ci nie. Pieršyja śpisy «darmajedaŭ» pavinny być sfarmavanyja da 1 śniežnia. Potym jany buduć abnaŭlacca raz na kvartał.
U liście kamisija papiaredžvaje, što ad 1 studzienia 2019 «pracazdolnyja hramadzianie, nie zaniatyja ŭ ekanomicy, apłačvajuć pasłuhi haračaha vodazabieśpiačeńnia pa cenach (taryfach), što zabiaśpiečvajuć poŭnuju kampiensacyju ekanamična abumoŭlenych vydatkaŭ».
Ad 1 kastryčnika nastupnaha hoda niepracujučyja buduć płacić całkam taksama za aciapleńnie i haz pry najaŭnaści indyvidualnych hazavych aciaplalnych pryboraŭ.
Subsidavany taryf na padahreŭ vady i aciapleńnie na siońniašni dzień składaje 16,9 rubloŭ za 1 Hkał. Poŭny - 81,4 rubla za 1 Hkał. Heta značyć, cana haračaj vady i aciapleńnia vyraście amal u piać razoŭ.
Sakratar kamisii taksama patłumačyła, što płacić pa poŭnaj pryjdziecca tolki tym «darmajedam», jakija źjaŭlajucca płacielščykami za žyllova-kamunalnyja pasłuhi, heta značyć - majuć kvateru va ŭłasnaści. Kali niepracujučy žyvie z pracujučym ułaśnikam žylla, to novaŭviadzieńni ŭ Dekret «ab darmajedach» jaho nie zakranuć. U vypadku, kali ŭłaśnik nidzie nie pracuje i nie traplaje ni pad adno vyklučeńnie sa śpisu, ale členy jaho siamji pracujuć, apłata kamunalnych pasłuh budzie dzialicca paroŭnu pamiž usimi zarehistravanymi ŭ kvatery.
-
U anieksavanym Krymie biełarusa asudzili za «špijanaž»
-
Kolkaść palitviaźniaŭ rezka skaraciłasia — amal na 100 čałaviek. Za košt čaho?
-
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami
Kamientary