Na finišy Minskaha paŭmarafona biehuna ź bieł-čyrvona-biełym ściaham zaciahnuli ŭ aŭtazak FOTA
Uładź Staškievič finišavaŭ na dystancyi 21,1 km i adrazu byŭ zatrymany AMAPam.
— Usiu dystancyju ja prabieh ź bieł-čyrvona-biełym ściaham. Ludzi padtrymlivali, fatahrafavalisia, kryčali «Žyvie Biełaruś!» Kožnyja piać chvilin, jak i letaś, — raskazaŭ małady čałaviek «Salidarnasci». — Atrymaŭ miedal, paśla čaho mianie ŭziali pad ruki — ja ž byŭ źniasileny — i pavałakli ŭ aŭtazak. Tam paŭhadziny dapytvali ludzi ŭ cyvilnym — pytalisia, maŭlaŭ, navošta tabie heta treba, navošta ty heta zrabiŭ?
Potym jaho pavieźli ŭ RUUS Centralnaha rajona, dzie skłali dva pratakoły i pratrymali kala troch hadzin.
— Kopij pratakołaŭ nie vydali i kanfiskavali ściah. Chacieli trymać i nadalej, ale mnie stała kiepska — ja ž z samaj ranicy paśla paŭmarafona ničoha nie jeŭ i amal nie piŭ. Ciapier, jak skazali ŭ milicyi, buduć vyrašać, ci jość u maich dziejańniach skład pravaparušeńnia.
Ciapier čytajuć
Prakuror prosić dla eks-pamočnika Łukašenki Ihara Bryło 12 hadoŭ źniavoleńnia4
Prakuror prosić dla eks-pamočnika Łukašenki Ihara Bryło 12 hadoŭ źniavoleńnia
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary