Kamitet dziaržkantrolu Homielskaj vobłaści vyjaviŭ parušeńni ŭ homielskich balnicach №3 i №4, a taksama ŭ balnicy Lelčycaŭ u arhanizacyi charčavańnia pacyjentaŭ ustanoŭ achovy zdaroŭja.
Kiraŭniki balnic nijak nie reahavali na toje, što biez daj pryčyny daraželi damovy, užo zaklučanyja z pastaŭščykami. Charčavańnie zakuplałasia nie ŭ vytvorcaŭ, a ŭ pasiarednikaŭ.
Vyjaviłasia, što ŭ homielskaj balnicy №3 za dva hady ni razu nie zakuplalisia frukty i soki. Šeść ź siami straŭ, adabranych dla daśledavańnia, nie adpaviadali patrabavańniam. Ježu razvodzili jak mahli. Naprykład, šnicali na 20% składalisia z chleba, jakoha pa recepcie ŭvohule nie pavinna być.
U vyniku aštrafavali 8 rabotnikaŭ i 2 jurydyčnyja asoby na ahulnuju sumu ŭsiaho 2 446 rubloŭ.
Da dyscyplinarnaj adkaznaści pryciahnuli 15 čałaviek, u tym liku adnaho zvolnili.
Ciapier čytajuć
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Kamientary