Pavodle papiaredniaj viersii ŭkrainski aŭtobus vylecieŭ z darohi ŭ Polščy praz značnaje pieravyšeńnie chutkaści. Zahinuli try čałavieki, 38 pasažyraŭ dastaŭlenyja ŭ balnicy.
Aŭtobus z ukraincami, jaki vylecieŭ z trasy ŭ Polščy, ruchaŭsia sa značnym pieravyšeńniem chutkaści, paviedamlaje «Polskaje radyjo» sa spasyłkaj na akruhovuju prakuraturu Pšemyśla.
Na adrezku, dzie adbyłasia aŭtakatastrofa, dazvolenaja chutkaść ruchu — 30 km u hadzinu. Pry hetym aŭtobus vylecieŭ z trasy na chutkaści 70-80 km u hadzinu.
Za rulom znachodziŭsia hramadzianin Ukrainy, jon zatrymany. Ekśpiertyza pakazała, što kiroŭca byŭ ćviarozy.
«Papiarednija vysnovy śviedčać, što kiroŭca sprabavaŭ paźbiehnuć avaryi. Zaŭtra jaho dapytaje prakuror. <…> Jamu pahražaje pakarańnie ŭ vyhladzie pazbaŭleńnia voli na termin ad 1 da 10 hadoŭ», — cytuje radyjostancyja paviedamleńnie prakuratury.
Aŭtakatastrofa, u jakoj zahinuli try čałavieki, adbyłasia na nacyjanalnaj darozie № 28 pamiž haradami Sanok i Pšemysl u miescy, jakoje nazyvajuć «śmiarotnym vyhibam», pakolki tam adbyvajecca mnostva avaryj. Kiroŭca nie spraviŭsia z kiravańniem na niebiaśpiečnym pavarocie, u vyniku aŭtobus vylecieŭ z darohi i skaciŭsia sa schiłu.
U sałonie znachodzilisia 54 čałavieki. Usie jany byli hramadzianami Ukrainy. Try čałavieki zahinuli (dźvie žančyny i mužčyna), astatnija byli špitalizavany z traŭmami roznaj stupieni ŭ Pšemysl, Leska i Sanok. U paciarpiełych dyjahnastavali pierałomy, traŭmy chrybietnika i ŭnutranych orhanaŭ, jak minimum u dzieviaci ź ich surjoznyja paškodžańni.
Kamientary