Infarmacyja pra ŭviadzieńnie 1-hadzinnaha pracoŭnaha dnia na zavodzie «Strommašyna» ŭ Mahilovie nie adpaviadaje rečaisnaści. Pra heta Tut.by paviedamili ŭ administracyi pradpryjemstva. Apaviaščeńnie, fatahrafiju jakoha apublikavali ŭ supołcy «Mahiloŭ Live» va «Ukantakcie», rabotniki mahli atrymać pamyłkova, kaža antykryzisny kiraŭnik pradpryjemstva Siarhiej Hrynkievič.
U kamientary Tut.by antykryzisny kiraŭnik zavoda «Strommašyna» Siarhiej Hrynkievič paćvierdziŭ, što ŭ pradpryjemstva, jakoje znachodzicca ŭ pracesie sanacyi, sapraŭdy ciažkaje ekanamičnaje stanovišča, nizkaja efiektyŭnaść vytvorčaści. Tamu ŭ płanie finansavaha azdaraŭleńnia, jaki praciahnuli da 2023 hoda, — i aptymizacyja kolkaści rabotnikaŭ.
Siarhiej Hrynkievič patłumačyŭ, što płan aptymizacyi kolkaści rabotnikaŭ «Strommašyny» nie praduhledžvaje masavych zvalnieńniaŭ, ale ŭmovy pracy mohuć źmianiacca. U tym liku skaročany pracoŭny dzień — časova, «kab rabotniki mahli skarystacca mahčymaściu dadatkovaha zarobku».
— Miarkuju, što apaviaščeńnie apublikavaŭ niechta z supracoŭnikaŭ miechaničnaha cecha, u jakim mała pracy, — skazaŭ Siarhiej Hrynkievič. — Apaviaščeńnie rabotniku mahli razasłać pamyłkova, tamu što jano i pieravod na 0,1 staŭki nie ŭzhodnienyja z kiraŭnikom. Rassyłańnie apaviaščeńniaŭ prypynienaje da razboru situacyi.
Ekanamičny sud Mahiloŭskaj vobłaści pryznaŭ zavod «Strommašyna» bankrutam u lipieni 2015 hoda.
Ciapier čytajuć
Ad rekietu da prodažu fota mahił. Jak vyhladaje znutry hrupoŭka Project X, jakaja viarbuje ludziej dla pieravozki mihrantaŭ ź Biełarusi ŭ ES4
Kamientary