Minčukam prapanoŭvajuć pratrymacca 120 chvilin biez telefona
12 lipienia minčan zaprašajuć na niezvyčajny rełaks-čelendž — admovicca na 120 chvilin ad telefona, pazirańnia na hadzińnik i hutarak i całkam rassłabicca. Vytvorca tavaraŭ dla snu Vegas abiacaje, što 10 čałaviek, jakim udasca vykanać usie ŭmovy i nie zasnuć, praviaduć noč pad zornym niebam u centry horada, dzie dla ich abstalujuć letniuju spalniu.
Usie, chto ŭdzielničaje ŭ čelendžy, taksama zaprošanyja na načleh, ale ŭžo sa svaim matracam. Jaho prapanujuć samastojna dastavić u park Dreamland da 23:00, kab pravieści noč pad zorkami.
Sam rełaks-čelendž startuje ŭ čaćvier 12 lipienia a 19-j hadzinie. Naviedvalniki pavinny zahadzia pakinuć zajaŭku na sajcie nieśpitsia.bieł, kab na ŭvachodzie ŭ park im vydali dyvanok dla adpačynku i imianny numar udzielnika, a taksama zachapić z saboj pižamu.
«Žychary vialikaha horada razvučylisia rassłablacca, i adsiul skarhi na prablemy sa snom praktyčna ŭ traciny darosłych ludziej, — raspaviadaje Kaciaryna Harabiec, dyrektarka pa markietynhu brenda Vegas u Biełarusi. — My prapanujem biełarusam kinuć sabie vyklik i adarvacca na 2 hadziny ad navin, šumu i rabočych pytańniaŭ, kab navučycca chutčej i macniej zasypać».
Pa praviłach ekśpierymientu, nielha zazirać u telefon ci hladzieć na hadzińnik, čytać, razmaŭlać abo zajmacca sportam. Sačyć za adpačynkam buduć śpiecyjalnyja rełaks-treniery Vegas: kali jany zaŭvažać, što vy, naprykład, paciahnulisia za telefonam abo dastali knihu, vam vydaduć žoŭtuju kartku parušalnika.
Čym bolš kartak, tym mienš šancaŭ pravieści noč pad zorkami. Tym, chto zapluščyć vočy i ŭsio ž zaśnie pry dzionnym śviatle i nie ŭ samaj zručnaj pozie, arhanizatary dazvolać vyspacca, ale z čelendža vyklučać — dadatkovy načleh pad zorkami im bolš nie patrebny.
«My zahadzia abstalavali pad adkrytym niebam 10 spalnych miescaŭ usim nieabchodnym, i prapanoŭvajem pravieści na ich noč samym stojkim udzielnikam čelendža. Tym, chto vykonvaŭ usie praviły, ale tak i nie zasnuŭ, — raspaviadaje Kaciaryna Harabiec, dyrektar pa markietynhu brenda Vegas u Biełarusi. — Pravilny son zabiaśpiečać našy artapiedyčnyja matracy Vegas z spružynnymi błokami Medizone, na jakich rassłabicca i zasnuć, a ranicaj adčuvać siabie adpačnuŭšymi mohuć usie ŭdzielniki, niezaležna ad rostu abo vahi».
Spalnyja miescy zrobiać u parku Dreamland, dzie a 23-j hadzinie pačniecca pre-paci načoŭki pad zorkami. Padčas dydžej-setaŭ prahučać samyja viadomyja kałychanki ŭ elektronnaj apracoŭcy, barmeny buduć prapanoŭvać kaktejli z ramonkami i miataj, a joha-majstar navučyć technikam dychańnia, što dapamahajuć rassłabicca.
Roŭna apoŭnačy śviatło zhaśnie, i ŭdzielniki zastanucca ŭ poŭnaj cišyni ŭ svaich łožkach. Za jakaściu adpačynku buduć nazirać ekśpierty šmatprofilnaha miedycynskaha centra «Centr zdarovaha snu». Śpiecyjalnyja datčyki, ustanoŭlenyja na ciele, zapišuć fazy snu, buduć sačyć za ciskam, dychańniem i navat chrapam, i ŭ vyniku kožny atrymaje piersanalnyja rekamiendacyi, jak ranicaj ustavać adpačnuŭšym.
Usie, chto nie trapiać u lik ščaśliŭčykaŭ, taksama buduć zaprošanyja na načleh, ale pry ŭmovie, što abstalujuć sabie łožak samastojna. Dla hetaha treba prynieści svoj matrac u park Dreamland i źmiaścić jaho pa susiedstvie ź letniaj spalniaj Vegas.
Kamientary