Chto taki Jaŭhien Prejhierman, kaardynatar «Minskaha dyjałohu»
Kanfierencyi «Minskaha dyjałohu» kaardynuje 31-hadovy Jaŭhien Prejhierman. «Minski dyjałoh» pačynaŭsia jak adna z kułuarnych analityčna-dypłamatyčnych tusovak, a vyras da maštabu forumu, na jakich vystupaje Alaksandr Łukašenka.
Prejhierman naradziŭsia ŭ Viciebsku. Jašče školnikam jon źziaŭ na alimpijadach pa anhlijskaj movie i pastupiŭ na prestyžny fakultet mižnarodnych adnosin Biełaruskaha dziaržaŭnaha ŭniviersiteta.
Studentam jon źbiraje vakoł siabie koła, jakoje atrymaje nazvu «Libieralny kłub». Hety asiarodak niejki čas byŭ blizki da Abjadnanaj hramadzianskaj partyi i, u pryvatnaści, Jarasłava Ramančuka, ale paśla 2010 hoda ad apazicyjnych kołaŭ addaliŭsia.
U 2015 hodzie Libieralny kłub pierarastaje ŭ «ekśpiertnuju inicyjatyvu «Minski dyjałoh». Heta supała z žadańniem aficyjnaha Minska stać pieramoŭnaj placoŭkaj dla vyrašeńnia ŭkrainskaha kryzisu i pašyryć kanały dyjałohu ź Jeŭropaj.
«Minskim dyjałoham» apiakujucca biełaruskija ŭłady, ale farmalnym arhanizataram vystupaje inicyjatyva Prejhiermana. U padrychtoŭcy sioletniaha «Minskaha dyjałohu» braŭ udzieł i Dzianis Mieljancoŭ, u minułym — analityk BISS.
U Prejhiermana biezdakornaja anhlijskaja mova. U žyćci jon ruskamoŭny, ale ŭmieje havaryć pa-biełarusku. Akramia BDU, jon vyvučaŭ palityku Jeŭrasajuza ŭ Sasekskim univiersitecie, a ciapier piša doktarskuju dysiertacyju va ŭniviersitecie Uoryka ŭ Brytanii.
Z pryvatnaściej: u Jaŭhiena vielmi redkaje imia pa baćku —Leakardźjevič.
Prejhierman — palitołah novaj hienieracyi, jaki nikoli nie vučyŭsia ŭ SSSR, vydatna intehravany ŭ mižnarodnuju analityčnuju supolnaść i ŭ toj ža čas bačyć budučyniu ŭ supracy z uładnymi strukturami Biełarusi.
Voś videa hutarki z Prejhiermanam na dziaržaŭnym telekanale:
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary