MUS: Identyfikacyjny numar, prapisany ŭ pašpartach, nie budzie prysvojvacca čałavieku
Identyfikacyjny numar, jaki prapisany ŭ biełarusaŭ u pašpartach, budzie nazyvacca identyfikacyjnym numaram piersanalnych dadzienych. Pra heta, pradstaŭlajučy źmieny ŭ Zakon ab rehistry nasielnictva, raspavioŭ u parłamiencie ministr unutranych spraŭ Ihar Šunievič.
Identyfikacyjnyja numary buduć prysvojvać nie čałavieku, a jaho piersanalnym dadzienym. Pa sutnaści prablemu, kali niekatoryja admaŭlalisia atrymlivać pašparty z-za prysvajeńnia numara čałavieku, sprabujuć vyrašyć, pierafrazavaŭšy paniaćcie ŭ Zakonie.
— Sami numary mianiacca nie buduć, heta bolš linhvistyčnaja reč, čym praktyčnaja, — raskazaŭ ministr unutranych spraŭ Ihar Šunievič. — Było prapisana: čałavieku prysvojvajecca identyfikacyjny numar. Kazali, što heta niapravilna, uščamlaje pravy — čałaviek z numaram, prymityŭna kažučy. Siońnia my čałavieku numar nie prysvojvajem, my zapisu, jaki viadziom u bazie dadzienych, prysvojvajem paradkavy numar. (…) Dla kahości heta važna, i my pačuli hałasy hetych ludziej, spadziajusia, nas zrazumiejuć pravilna, i hetyja ludzi adekvatna ŭsprymuć heta źmianieńnie, jakoje, na moj pohlad, vyrašaje prablemu.
U 2019 hodzie ŭ Biełarusi abiacajuć uvieści bijamietryčnyja pašparty. Ci zastaniecca ŭ ich identyfikacyjny numar, pakul nieviadoma.
Kamientary