Pa dadzienych śledstva, u lutym 2014 hoda pamiž bryhadami valščykaŭ lesu ź Biełarusi, jakija znachodzilisia na zarobkach na terytoryi Maskoŭskaj vobłaści, adbyŭsia žorstki kanflikt.
«Uviečary 23 lutaha 2014 hoda, znachodziačysia ŭ stanie ałkaholnaha apjanieńnia, čaćviora mužčyn adnoj bryhady źbili traich znajomych z druhoj bryhady. U vyniku naniasieńnia množnych udaraŭ rukami, nahami, draŭlanaj bitaj, kresłam i inšymi pradmietami dvoje paciarpiełych pamierli na miescy zdareńnia», — paviedamlaje Śledčy kamitet.
Treci paciarpieły vyžyŭ.
Dvoje z napadnikaŭ byli zatrymanyja na nastupny dzień paśla zabojstva. Abodva atrymali ŭ Rasii terminy kala 18 hadoŭ.
Dvoje inšych mužčyn schavalisia ad palicyi i viarnulisia ŭ Biełaruś.
Adzin ź ich byŭ zabity ŭ žniŭni 2016 hoda ŭ Tałačynskim rajonie.
Apošni fihurant, žychar Sieńnienskaha rajona, byŭ zatrymany ŭvosień 2017 hoda. Jaho źmiaścili pad vartu, pradjavili abvinavačvańni ŭ zabojstvie. Ciapier materyjały spravy pieradali ŭ sud. Mužčynu pahražaje najvyšejšaja miera pakarańnia — rasstreł.
Kamientary