Ukrainskija pamiežniki zatrymali ŭ Azoŭskim mory rasijskaje sudna z kamandaj z 10 čałaviek, paviedamlajecca na sajcie Dziaržpahransłužby krainy ŭ paniadziełak, 26 sakavika.
Rybałavieckaje sudna «Nord» pierachapili niepadalok ad Abitočnaj kasy. Adznačajecca, što jano zarehistravana ŭ adnym z partoŭ Kryma, jaki Ukraina ličyć svajoj terytoryjaj. «Akramia hetaha, členy kamandy sudna parušyli paradak vyjezdu z časova akupavanaj terytoryi Ukrainy. Usie jany mieli tak zvanyja pašparty hramadzian Rasiei, vydadzienyja ŭ horadzie Kierč», — adznačajecca ŭ paviedamleńni.
Sudna adkanvairavali ŭ port Biardzianska dla dalejšych razboraŭ. Kamanda zatrymanaja, u dačynieńni da ŭsich členaŭ ekipaža raspačatyja administracyjnyja spravy pa artykule ab parušeńni paradku ŭjezdu na časova akupavanuju terytoryju Ukrainy, u dačynieńni da kapitana była nakiravana zajava ŭ Słužbu biaśpieki krainy (SBU) ab parušeńni im anałahičnaha artykuła Kryminalnaha kodeksu.
Taksama na borcie byŭ vyjaŭleny trał dla łoŭli ryby i piać ton morapraduktaŭ.
Jak paćvierdziła «Interfaksu» krynica, znajomaja ź situacyjaj, rasijskaja pahransłužba ŭžo atrymała hetuju infarmacyju i raźbirajecca ŭ situacyi. Sudna «Nord» źjaŭlajecca małamiernym rybałoŭnym siejnieram, jano naležyć vytvorčamu kaapieratyvu «Rybałoŭčy kałhas imia Pieršaha maja» ŭ Kierčy. Kampanii taksama viadoma pra incydent.
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Kamientary