U Biełarusi buduć zmahacca sa strytrejsinham, zajaviŭ hienieralny prakuror Alaksandr Kaniuk siońnia žurnalistam, paviedamlaje BiełTA.
Vuličnyja honki, strytrejsinh — nieaficyjnyja honki, jakija prachodziać na hramadskich darohach. Jak padkreśliŭ hienprakuror, heta stanovicca prablemaj.
«Tolki ŭ 20-hradusny maroz heta, viadoma, nie aktualna. A tak toj, chto žyvie, da prykładu, na praśpiekcie Pieramožcaŭ u Minsku, vydatna viedaje, što adbyvajecca z aŭtamabilami i matacykłami… Bo šmat skarhaŭ idzie ad ludziej. My hetaj temaj zajmalisia, dumaju, što ŭ rešcie rešt bolš kankretna padydziem da jaje rašeńnia»,
— padkreśliŭ hienprakuror.
Jon taksama adznačyŭ:
«Jak strytrejsiera zatrymać, da prykładu, na matacykle Kawasaki na chutkaści 250 kiłamietraŭ u hadzinu? U inšych dziaržavach siońnia ŭžo stvorany śpiecpadraździaleńni pa baraćbie z padobnymi parušalnikami. Ja nie kažu, što my tak budziem rabić. Ale prablema jość».
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary