Prach miecenatki biełaruskaha adradžeńnia pačatku 20-ha stahodździa kniahini Mahdaleny Radzivił pierapachavali na terytoryi kaścioła Najśviaciejšaj Trojcy (sv.Rocha) na Załatoj Horcy ŭ Minsku, pieradaje BiełTA.
Napiaredadni urna z pracham Mahdaleny Radzivił była vystaŭlena dla raźvitańnia ŭ kaściole Najśviaciejšaj Trojcy. Ustalavanaja pamiatnaja šylda i bareljef u honar znakamitaj miecenatki.
Pachavalnuju cyrymoniju ŭznačaliŭ biskup Juryj Kasabucki. Na ŭračystaść taksama prybyli Maciej i Michał Radziviły, praŭnučka Mahdaleny Radzivił — Maryla Zamojskaja.
Pra namier svajakoŭ pierapachavać Mahdalenu Radzivił u Minsku ŭ 2016 hodzie zajaviŭ Maciej Radzivił. Takoje rašeńnie było pryniata praŭnukami pamierłaj. «Jana ličyła siabie biełaruskaj, maryła žyć u Minsku, tamu budzie vielmi simvalična, kali my pachavajem prach Mahdaleny tut», — adznačaŭ raniej Maciej Radzivił. Uletku 2017 hoda prach kniahini Mahdaleny Radzivił byŭ dastaŭleny sa Šviejcaryi ŭ Minsk i pieradadzieny chramu śviatoha Symona i śviatoj Aleny (Čyrvony kaścioł), pobač ź jakim u svoj čas jana pražyvała. Los skłaŭsia tak, što ŭ 1918 hodu Mahdalena Radzivił vymušana była emihravać ź Biełarusi. Žyła ŭ Polščy, Litvie, Hiermanii. Z 1932 hoda — u Frybury, dzie i pamierła ŭ 1945 h. va ŭzroście 83 hadoŭ.
Miecenatka i kulturny dziejač u svoj čas akazvała finansavuju padtrymku vydaviectvu «Zahlanie sonca i ŭ naša akonca», špitalam, sielskim kramam i h.d. U 1917 hodzie jana achviaravała bryljantavaje kalje na zasnavańnie biełaruskaj hreka-katalickaj kalehii ŭ Rymie. Dziakujučy jaje namahańniam byli adkryty biełaruskija škoły ŭ šerahu rehijonaŭ krainy. Miecenatka płaciła stypiendyju studentam-biełarusam, jakija vučylisia ŭ Pieciarburhu, padtrymlivała tamtejšuju biełaruskuju biblijateku.
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary