Siarod kandydataŭ u deputaty Minharsavieta jość 37-hadovy televiadučy ANT Jaŭhien Łaškoŭski. Jon bałatujecca pa Šuhajeŭskaj akruzie №53.
Najimavierny «pieramožca» ŭ hetaj akruzie — dyrektarka 45-j škoły Iryna Zubryckaja. Zvyčajna ludziej na takich pasadach «prosiać» stać deputatami, i miechanizm pracuje biezdakorna.
Čytajcie taksama: 57 kandydataŭ, jakija buduć abranyja ŭ Minharsaviet — praviercie śpis paśla vybaraŭ PRAHNOZ «NN»
«Naša Niva» raspytała Łaškoŭskaha, navošta jon sprabuje trapić u deputaty.
«Ja vyrašyŭ bałatavacca tolki tamu, što vyras u hetym rajonie, bolš za toje — mienavita ŭ hetaj akruzie. I ja viedaju, čym žyvie rajon. Ja, kali byŭ maleńkim, časta chvareŭ i ledź nie žyŭ u 11-j paliklinicy. Ja pieranios infiekcyjny monanukleoz paśla i ŭ 8-j paliklinicy. Ja viedaju, što i jak znutry ŭ achovie zdaroŭja. U mianie taksama pažyłyja baćki, i ŭ ich proćma sacyjalnych prablem», — akreśliŭ Łaškoŭski pieršuju pryčynu bałatavańnia.
«Ja vučyŭsia ŭ 190-j škole. Časta kažuć: prychodźcie ŭ škołu — jana vaš rodny dom. U maim vypadku heta nie pafas. My, kali bačymsia z nastaŭnikami, abdymajemsia i sientymientalnyja ślozy na vačach. Ja i padpracoŭvaŭ tam, kali ŭžo vučyŭsia va ŭniviersitecie. A što ja adčuŭ, kali da mianie padyšoŭ nastaŭnik muzyki i skazaŭ: «Ženia, tak patrebnyja struny dla cymbałaŭ, dapamažy»! — praciahvaje televiadučy. — U majoj akruzie žyvie bolšaść maich adnakłaśnikaŭ. Razumiejecie, heta ŭsio rodnaje».
My pacikavilisia ŭ Łaškoŭskaha, ci ŭziaŭ jon pad uvahu dośvied svajho kalehi pa ANT Alaksieja Michalčanki, jaki nie mieŭ šancaŭ na parłamienckich vybarach — 2012, bo na jahonaj akruzie ŭžo byŭ vidavočny kandydat ad ułady — Natalla Hujvik.
Čytajcie taksama: Jak jość, tak jość: kab prakinuć Michalčanku, amal 5 tysiač čałaviek «prahałasavali na damu»
«Mianie nie pałochaje vopyt Lošy, — skazaŭ Łaškoŭski. — I pierš za ŭsio tamu, što jon išoŭ u deputaty parłamienta, a ja — u miascovyja saviety. Heta roznyja rečy. Ja ŭpeŭnieny, što zmahu dapamahčy ludziam. U lubym vypadku — usio vyrašyć ich vybar».
Ci vieryć viadučy ŭ sumlenny padlik hałasoŭ?
«A čaho nie vieryć? Ja amal na ŭsich vybarach hałasavaŭ. I na miascovych, i ŭ parłamient, i prezidenta. Byli tolki vyklučeńni, kali pracavaŭ. U cełym ja zadavoleny», — padsumavaŭ jon.
Kamientary