U Biełarusi pačałasia raspracoŭka miechanizmu funkcyjanavańnia depazitna-zakładnoj sistemy zvarotu tary. Pra heta BiełTA paviedamiŭ načalnik adździełu vadapravodna-kanalizacyjnaj haspadarki i dobraŭparadkavańnia ŭpraŭleńnia kamunalnaj haspadarki Minžyłkamhasa Arciom Škryl.
Depazitna-zakładnuju sistemu zvarotu tary płanujecca ŭkaranić da 2020 hoda. Novy miechanizm zakranaje intaresy šyrokaha koła subjektaŭ: vytvorcaŭ napojaŭ, abjektaŭ handlu i hramadskaha charčavańnia. Dla vypracoŭki aptymalnaha varyjantu jaje funkcyjanavańnia stvorana mižviedamasnaja rabočaja hrupa, u składzie jakoj pradstaŭniki orhanaŭ dziaržkiravańnia, biznesu, HU «Apieratar druhasnych materyjalnych resursaŭ».
«U ciapierašni čas pačałasia raspracoŭka bazy dadzienych ab namienkłatury, materyjalnych i finansavych płyniach spažyvieckaj upakoŭki, nieabchodnych narmatyŭnych pravavych aktaŭ i ŭ cełym miechanizmu ŭzajemadziejańnia subjektaŭ. Paśla zaviaršeńnia hetych etapaŭ mahčymaja praca z patencyjalnymi inviestarami. U pieršym kvartale 2018 hoda prajekty dakumientaŭ buduć uniesieny na razhlad členam rabočaj hrupy», - raspavioŭ Arciom Škryl.
Ukaranieńnie depazitna-zakładnoj sistemy zvarotu tary praduhledžvaje Nacyjanalnaja stratehija pa abychodžańni ź ćviordymi kamunalnymi adkidami i druhasnymi materyjalnymi resursami na pieryjad da 2035 hoda, kaardynataram jakoj źjaŭlajecca Minžyłkamhas. Novaŭviadzieńnie zasnavana na ekanamičnym stymulavańni spažyŭca viarnuć vykarystanuju ŭpakoŭku. Kuplajučy tavar va ŭpakoŭcy, spažyviec vypłačvaje za jaje załoh, a pry viartańni pustoj upakoŭki ŭ taramaty suma hetaha zakładu jamu viartajecca. Miarkujecca, što za košt hetaha miechanizmu ŭ paŭtornuju pierapracoŭku budzie viartacca da 80—90% vykarystanaj upakoŭki. Depazitna-zakładnaja sistema paśpiachova funkcyjanuje ŭ mnohich jeŭrapiejskich krainach.
Kamientary