BATE nie zmoh vyjhrać u «Crvieny Źviezdy»: šancy na płej-of blizkija da nula
BATE i «Crviena Źviezda» zhulali ŭničyju ŭ matčy 5-ha tura Lihi Jeŭropy — 0:0. I heta toj vynik, što nie pajšoŭ na karyść biełarusam. Reč u tym, što «Kioln» siensacyjna pieramoh «Arsienał» (1:0), i BATE naohuł apuściŭsia na apošniaje miesca ŭ hrupie.
Biełaruskaja kamanda mieła tolki adzin supiermomant — Vital Radzivonaŭ addaŭ miač pad udar Michaiłu Hardziejčuku. Hledačy ŭžo paŭskokvali ź miescaŭ, kab śviatkavać hoł, ale miač palacieŭ mima.
A voś sierby mahli zabivać trojčy. Adnojčy biełarusaŭ vyratavała pierakładzina, paśla bramnik Ščarbicki zdoleŭ adbić udar hałavoj zblizku. Nu a litaralna za niekalki siekund da kanca matča, kali Ščarbicki ŭžo zastaŭsia pa-za epizodam, futbalisty BATE vynieśli miač ź linii varot.
Takim čynam, biezhalavaja ničyja. Pa asabistych sustrečach BATE budzie vyšej za «Crvienu Źviezdu» ŭ vypadku roŭnaści bałaŭ, adnak dasiahnuć hetaj samaj roŭnaści dla biełarusaŭ budzie nadzvyčaj składana.
Turnirnaja tablica ciapier vyhladaje nastupnym čynam:
Arsienał — 10, Crviena Źviezda — 6, Kioln — 6, BATE — 5.
U apošnim tury 7 śniežnia BATE hulaje z «Arsienałam» u haściach, a sierby prymajuć «Kioln».
Kab vyjści ŭ 1/16 finału Lihi Jeŭropy, BATE treba pieramahać u Łondanie i malicca na ničyju ŭ matčy «Crviena Źviezda» — «Kioln». Voś takaja aryfmietyka.
Što praŭda, «Arsienał» vyjšaŭ užo ŭ płej-of i nie budzie mieć 100% matyvacyi.
Nahadajem, što BATE ciaham turniru vyjhraŭ doma ŭ «Kiolna» (1:0), prajhraŭ u haściach niemcam (2:5), prajhraŭ doma «Arsienału» (2:4), zhulaŭ dvojčy ŭničyju ź sierbami (1:1, 0:0).
***
Sierbskuju kamandu padtrymlivała vializnaja kolkaść fanataŭ, pryjechali i rasijskija zaŭziatary.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ11
Kamientary