Pra heta paviedamiła siońnia kiraŭnik Administracyi prezidenta Natalla Kačanava na naradzie ŭ kiraŭnika dziaržavy ab rabocie ekanomiki za minuły pieryjad 2017 hoda, acency vynikaŭ hoda i prajektach prahnozu, biudžetu i hrašova-kredytnaj palityki na 2018 hod, piša BiełTA
Pa słovach Natalli Kačanavaj, pytańni pracaŭładkavańnia chvalujuć mnohich biełarusaŭ.
«Ciapier my rychtujem i praktyčna zaŭtra ŭniasiem novuju kancepcyju dekreta №3. My analizujem hetu situacyju, jana sapraŭdy surjoznaja, — adznačyła jana. — Tyja dadzienyja, jakija nam pieradali abłvykankamy, — heta kala 500 tys. niepracujučych čałaviek».
Kiraŭnik Administracyi prezidenta raspaviała, što ŭ dziaržorhanie stvorana śpiecyjalnaja manitorynhavaja hrupa, jakaja rehularna vyjazdžaje ŭ najbolš prablemnyja z punktu hledžańnia biespracoŭja rehijony.
«My bačym, i pavodle acenak Infarmacyjna-analityčnaha centra, što heta asnoŭnaje pytańnie, jakoje chvaluje žycharoŭ našaj krainy. U roznych rehijonach situacyja roznaja, ale jana sapraŭdy siońnia maje miesca, i samazaspakojvacca tut nielha», - padkreśliła Natalla Kačanava.
Jana adznačyła toj fakt, što za miažoj pracujuć 97,6 tys. Biełarusaŭ. «Ci nie znajšoŭšy tut raboty, jany prosta źjazdžajuć. Treba kropkava razhladać kožny rehijon. Naprykład, Stolin — tam niama prosta pracy siońnia. Značyć, treba dumać, jakija adkryvać vytvorčaści i jakija stvarać pracoŭnyja miescy: i vysokapradukcyjnyja, i nievysokavytvorčyja — pracoŭnyja miescy pavinny być», - reziumavała kiraŭnik Administracyi prezidenta.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary