U Słavienii adbudziecca druhi tur vybaraŭ prezidenta. Pra heta ŭ niadzielu, 22 kastryčnika, paviedamiła infarmacyjnaje ahienctva Slovenska Tiskovna Agencija pa vynikach padliku 95% hałasoŭ vybarščykaŭ, piša Dw.de.
Niahledziačy na toje, što ŭ pieršym tury dziejučy kiraŭnik dziaržavy Borut Pachar nabraŭ 47,3% hałasoŭ i istotna apiaredziŭ svajho asnoŭnaha supiernika, mera horada Kamnik — Marjana Šareca (24,8%) — jon nie zmoh atrymać absalutnuju bolšaść i pieraadoleć 50-pracentny barjer.
Na trecim miescy raźmiaściłasia kandydat ad Słavienskaj demakratyčnaj partyi Ramana Tomc (13,6%). Usiaho ŭ baraćbie za pasadu kiraŭnika dziaržavy prymali ŭdzieł dzieviać kandydataŭ.
Druhi tur vybaraŭ pryznačany na 12 listapada.
Jaŭka była rekordna nizkaj, 42,74%.
Prezident abirajecca šlacham usieahulnych roŭnych i pramych vybaraŭ na piać hadoŭ, ale nie bolš čym na dva terminy zapar.
Kamientary