U Krakavie znajšli dakumient z podpisam i piačatkaj biełaruskaha aśvietnika Vasila Ciapinskaha
Mahistar histaryčnych navuk Jahor Surski z adździełu krajaznaŭstva i archiealohii Instytutu historyi biełaruskaj Akademii navuk znajšoŭ u Krakavie samy rańni ź viadomych dakument aśvietnika, piśmieńnika i knihavydaŭca Vasila Ciapinskaha. Dakument unikalny tym, što maje ŭłasnaručny podpis Ciapinskaha i jahonuju asabistuju piačatku — takich u histaryjahrafii raniej nie sustrakałasia.
Jak raspaviadaje Surski Svabodzie, dakument znachodziŭsia ŭ biblijatecy Polskaj akademii navuk u Krakavie siarod roznych majomasnych i finansavych papieraŭ šlachieckich radoŭ, ale chranalahična vybivaŭsia z paznačanaha ŭ tečcy datavańnia. Papiera była anatavanaja, u archivie ŭ Vilni navat znachodzicca mikrafilm z dakumentam, ale list dahetul nia byŭ uviedzieny ŭ navukovy abarot. Za dapamohu ŭ kapijavańni dakumentu historyk vykazvaje padziaku Juryju Hardziejevu z Krakava.
«Piačatka naležyć da hierbu Astoja, jakim karystalisia i inšyja pradstaŭniki rodu Ciapinskich, na joj vyjaŭleny kryž i dva paŭmiesiacy. Inicyjały «WC» paćviardžajuć, što heta asabistaja piačatka Vasila Ciapinskaha», — tłumačyć Surski.
Histryk zrabiŭ dakład pra znachodku na kanhresie «500 hod biełaruskaha knihadruku» ŭ mienskaj Nacyjanalnaj biblijatecy, čakaje publikacyi raboty pra znachodku ŭ navukovym zborniku «Zdabytki: dakumentalnyja pomniki na Biełarusi».
Vasil Ciapinski naradziŭsia kala 1540 hodu ŭ Ciapina, što pad Čašnikami ŭ ciapierašniaj Viciebskaj vobłaści. U 1570-ja na svaje srodki zładziŭ drukarniu, raspačaŭ pierakład Evanhiella na starabiełaruskuju movu, pačaŭ vydavać Evanhielle na starabiełaruskaj i carkoŭnasłavianskaj, da jakoha asabista napisaŭ pradmovu.
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Kamientary