U Kleckim rajonie žančyna skanała pa darozie ŭ kramu.
U chodzie rasśledavańnia stała viadoma, što napiaredadni staryja atrymali piensiju i tut ža vyrašyli hetuju spravu adznačyć. Piensijanierka pajšła ŭ kramu za ałkaholem, ale dadomu viarnułasia tolki na nastupny dzień. Nie dačakaŭšysia žonki, muž sam adpraviŭsia ŭ kramu, dzie kupiŭ paru litraŭ vina, jakija paśla sam i vypiŭ. Da momantu prychodu žonki jon byŭ mocna pjany. Muž i žonka pasvarylisia i, jak miarkujecca, u momant skandału mužčyna schapiŭ nož i nanios im niekalki udaraŭ pa žoncy. Paśla čaho, jak vynikaje z pakazańniaŭ, svarka skončyłasia, a piensijanierka pajšła adpačyvać, paviedamlaje sb.by.
Na nastupny dzień piensijaniery vyrašyli prymirycca, i žančyna znoŭ adpraviłasia pa ałkahol. Tolki pa darozie joj stała drenna, i jana pamierła. Jak miarkujecca, pryčynaj śmierci stali ciažkija cialesnyja paškodžańni, jakija žančyna atrymała napiaredadni. Bolš dakładnuju karcinu złačynstva dapamohuć vyśvietlić vyniki ekśpiertyzy.
Pa fakcie zaviedzienaja kryminalnaja sprava.
Kamientary