U Hrodnie treci dzień šukajuć 13-hadovuju dziaŭčynku, jakaja pajšła z domu z-za chłopca, paviedamili ŭ pres-słužbie UUS Hrodzienskaha abłvykankama.
Dyjana Piatrevič, 2004 hoda naradžeńnia, pajšła z domu 8 lipienia, i da hetaha času pra jaje miescaznachodžańnie ničoha nie viadoma. Na vyhlad joj kala 13 hadoŭ, rost 160-165 sm, siaredniaha ciełaskładu, vałasy ciomna-rusyja. Była adzietaja ŭ ciomna-siniuju majku, kramninnyja śvietła-žoŭtyja šorty i biełyja krasoŭki.
«Imaviernaj pryčynaj sychodu stali pačućci dziaŭčyny da maładoha čałavieka. Baćki nie dazvalajuć dačce znosiny ź junakom, u tym liku z-za taho, što jon ź nieščaślivaj siamji. 8 lipienia Dyjana pajšła na fiestyval Color Fest u park imia Žylibiera, sustrełasia tam z chłopcam i paśla hetaha doma nie źjaŭlałasia», — havorycca ŭ paviedamleńni milicyi.
Usich, chto vałodaje jakoj-niebudź infarmacyjaj pra miescaznachodžańnie źnikłaj, prosiać paviedamić ab hetym pa telefonie 102. Źviartajucca supracoŭniki milicyi i da samoj dziaŭčyny, rajačy joj jak maha chutčej viarnucca dadomu, kab pazbavić rodnych ludziej ad pieražyvańniaŭ.
Kamientary