Daimler davieryŭ MAZu absłuhoŭvać ruchaviki Mercedes

Niamiecki kancern Daimler davieryŭ pieršym 10 stancyjam MAZa ŭ Rasii absłuhoŭvać svaje ruchaviki Mercedes, a nieŭzabavie takaja mahčymaść budzie realizavana i ŭ servisnym centry MAZ u Minsku. Pierśpiektyvy dalejšaha supracoŭnictva z vytvorcami z Hiermanii abmierkavali 23 červienia na kanfierencyi ŭ Minsku, jakuju pravioŭ AAT «MAZ» razam z kampanijami Daimler i ZF.

Minski aŭtazavod i kancern Daimler zaraz pracujuć nad siertyfikacyjaj servisnych stancyj u Biełarusi, Rasii i Ukrainie, što dazvolić im aficyjna absłuhoŭvać ruchaviki Mercedes. «U dalejšym raboty praciahnucca. My raźličvajem, što kompleksnaje absłuhoŭvańnie budzie realizavana i na bolšaści inšych stancyj MAZ u roznych krainach», — rastłumačyli na pradpryjemstvie.

Raniej kampanii padpisali miemarandum ab uzajemarazumieńni i zaklučyli dahavor na pastaŭku aŭtazapčastak. Akramia taho, MAZ nabyŭ śpiecyjalnaje dyjahnastyčnaje abstalavańnie i instrumienty. Śpiecyjalisty minskaha servisnaha centra MAZa płanujuć prajści dadatkovaje navučańnie ŭ navučalnym centry Mercedes-Benz u Nabiarežnych Čaŭnach.

Biełaruski vytvorca ŭžo maje dośvied absłuhoŭvańnia kamplektujučych jeŭrapiejskich vytvorcaŭ. Tak, z 2015 hoda servisny centr MAZ ramantuje vuzły i ahrehaty ZF. Abiedźvie kampanii, roŭna jak i ŭładalniki aŭtaparkaŭ, zadavolenyja jakaściu rabot, padkreślili ŭ AAT «MAZ».

Minski aŭtazavod ciapier abstaloŭvaje ruchavikami Mercedes pasažyrskuju techniku, ciahačy, samazvały i siarednietanažnyja aŭtamabili. Pry hetym na zavodzie vykarystoŭvajuć niamieckija matory čatyroch kłasaŭ (ad Jeŭra-3 da Jeŭra-6) mahutnaściu ad 204 da 435 «koniej». Siarod adroźnieńniaŭ — nadziejnaść (siłavy ahrehat stabilna pracuje navat pry prabiehu bolš za 700—800 tys. km) i vysokaja ekanomija paliva.

AAT «MAZ» z 2003 hoda vypuściła bolš za 18 tys. adzinak techniki z ruchavikami Mercedes-Benz. U najbližejšy čas pačnucca pastaŭki pratatypaŭ karobak pieradač Daimler. «Usia aŭtatechnika adpaviadaje mižnarodnym standartam jakaści i karystajecca vialikim popytam u Biełarusi, Rasii, Polščy, Ukrainie, Kazachstanie, Sierbii, Iranie i ŭ inšych krainach», — padkreśliŭ na zavodzie.

U svaju čarhu kancern ZF pastaŭlaje na Minski aŭtazavod miechaničnyja i aŭtamatyčnyja karobki pieradač dla hruzavoj i pasažyrskaj techniki, roŭna jak i partalnyja masty, razdatkavyja karobki i rulavyja miechanizmy. Usiaho z 2008 hoda na aŭtatechniku MAZ było ŭstalavana bolš za 45 tys. karobak pieradač ZF.

Drukujecca ŭ miežach śpiecyjalnaj rubryki «Naviny Hiermanii»

• 0
• 0
• 0
• 0
• 0
• 0
• 0
• 0