Žurnalistka Maryna Drabyšeŭskaja, jakaja supracoŭničaje ź Biełsatam, zatrymana ŭ Homli paśla sankcyjanavanaha mitynhu 1 traŭnia. Padstavy zatrymańnia jej nie patłumačyli.
Jašče ranicaj Maryna Drabyšeŭskaja paviedamlała pra toje, što za jaje kvateraj viałosia vonkavaje nazirańnie, adnak joj udałosia paźbiehnuć zatrymańnia. Na mitynhu žurnalistka viała strym.
«My išli razam paśla mitynhu, — kaža adzin z udzielnikaŭ akcyi Andrej, — Maryna mierkavała, što jaje mohuć zatrymać. Za kinateatram «Jubilejny» da nas padjechaŭ milicejski UAZik, adtul vyjšli 2 supracoŭnika. Adzin ź ich pradstaviŭsia jak starejšy lejtenant Šulak i zaprasiŭ Marynu prajechać ź imi».
Padstavu dla zatrymańnia Drabyšeŭskaj nie patłumačyli. Zaraz žurnalistka znachodzicca ŭ Čyhunačnym RAUSie.
Nahadajem, što ŭ niadzielu ŭ Homieli byŭ zatrymany taksama žurnalist Jaŭhien Mierkis. 2 maja jaho buduć sudzić nibyta za drobnaje chulihanstva.
Kamientary