Biełaruski palityk, lider BSDP «Narodnaja hramada» Mikoła Statkievič ścisła prakamentavaŭ «repartaž» dziaržaŭnaha telekanału «Biełaruś-1», u jakim jon staŭ faktyčna hałoŭnym hierojem.
Fota Siarhieja Hudzilina
«Moj kamentar: napałochany sabaka hučna breša. Bolš ja hetuju łuchtu kamentavać nia budu, — adkazaŭ Statkievič. — Režym u panicy. Ułady prahnazujuć mnohija dziesiatki tysiač ludziej na Płoščy 25 sakavika. Navat parušyli svajo praviła zamoŭčvać mianie, jakoje, za vyklučeńniem 2010 hodu, vykonvałasia mnohija hady. Jość šaniec prymusić režym sastupić narodu».
Taksama Statkievič zajaviŭ, što «nie siadzieŭ u restaranach» z Alaksandram Smancaram, nazvanym u «repartažy» sponsaram Statkieviča, «kryminalnym biznesoŭcam». «Biełaruś-1» pryvodziła fota, na jakich niby ŭ Kijeŭskaj restaracyi sustrakajucca niby Statkievič i Smancar.
U «repartažy» zadavalisia pytańniami: «Ci daść Statkievič udzielniku mitynhu harantyju, što jamu nia strelić u śpinu niejki kantužany na Danbasie dobraachvotnik z «Pravaha sektaru»?» i «Ci daść Statkievič harantyju, što toj ža kantužany nie prychopić na mitynh vybuchoŭku, jakaja vybuchnie ŭ natoŭpie?». Statkievič kaža, što pra padrychtoŭku niejkich pravakacyjaŭ ci teraktaŭ na akcyjach pratestu jamu nieviadoma. Jon paŭtaryŭ zaklik vychodzić na Dzień voli ŭ Miensku i dniom paźniej u rehijonach.
Kamientary