Pa vynikach 2016 hoda biełarusy buduć apłačvać 60% koštu pasłuh žyllova-kamunalnaj haspadarki, paviedamlaje Jeŭraradyjo.
Pra heta 30 listapada na sumiesnym pasiadžeńni Pałaty pradstaŭnikoŭ i Savieta Respubliki zajaviŭ namieśnik premjer-ministra Anatol Kalinin. Pavodle jaho słoŭ, raniej płanavałasia 50%. Adnak z ulikam «šerahu realizavanych prahram, miechanizmaŭ, žorstkaj acenki i kantrola» źjaviŭsia inšy ŭzrovień — 60%.
Taksama Kalinin paviedamiŭ, što, jak čakajecca, u 2016 hodzie zatraty biełaruskaj žyllova-kamunalnaj haspadarki źniziacca na 255 młn rubloŭ, albo na 16% da ŭzroŭniu minułaha hoda. Hetyja srodki pojduć na inšyja mety. Miž inšym, jany dazvolać sioleta zamarozić rost taryfaŭ na «kamunałku», adznačyŭ namieśnik premjer-ministra.
Kamientary