U Mielburnie pa mienšaj miery šeść čałaviek stali achviarami redkaha zachvorvańnia, viadomaha pad nazvaj «navalničnaja astma». Jašče piaciora znachodziacca ŭ krytyčnym stanie, piša VVS.
Dvanaccać paciarpiełych špitalizavanyja, ale ich žyćciu niebiaśpieka nie pahražaje, udakładniŭ u niadzielu departamient achovy zdaroŭja štata Viktoryja.
Navalničnyja liŭni i mocny viecier, jakija prajšli ŭ hetym rehijonie Aŭstralii jašče ŭ minuły paniadziełak, vyklikali ŭspyšku alerhičnaj reakcyi na pyłok žycicy (jakuju jašče nazyvajuć «žytniaj travoj») — za minułyja dva dni bolš za 8,5 tysiač čałaviek źviarnulisia da daktaroŭ sa skarhami na raptoŭnyja prystupy ŭdušša.
Amal treć ź ich nikoli raniej nie adčuvała padobnych simptomaŭ.
«Navalničnaja astma» prajaŭlajecca viasnoj, kali pyłok žycicy bryniaje, raspadajecca na drobnyja čaścicy i traplaje ŭ dychalnyja šlachi čałavieka, vyklikajučy kašal i ŭdušša.
Pieršy vypadak «navalničnaj astmy» byŭ zafiksavany ŭ Mielburnie ŭ 1987 hodzie, kali balnicy paviedamili pra amal piacikratnaje pavieličeńnie kolkaści pacyjentaŭ z prablemami dychańnia. Paśla hetaha padobnyja ŭspyški taksama adznačalisia ŭ Złučanych Štatach, Kanadzie, Brytanii i Italii.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ28
Kamientary