Biełaruski hurt u majkach z Pahoniaj vystupiŭ na «Ch-faktary» VIDEA
Hurt «Amplituda śmiełaści» pakinuŭ mocnyja ŭražańni jak na žury konkursa, tak i hledačoŭ u zale.
Svaju zbornuju na samaje papularnaje i rejtynhavaje ŭkrainskaje šou adpraviła «Art Siadziba». Hurt «Amplituda śmiełaści» prymaje ŭdzieł u siomym siezonie konkursa «Ch-faktar». Vakalistam vystupiŭ Piotr Klujeŭ, a akampanavaŭ jamu skład, jaki napałovu składajecca z eks-muzykaŭ hurta «Lapis Trubiacki». Za ŭdarnymi — Alaksandr Staražuk, na hitary — Rusłan Uładyka, a na bas-hitary — Siarhiej Adamovič.
Na scenu muzyki vyjšli ŭ cišotkach z hierbam «Pahonia», a ŭ zale łunaŭ bieł-čyrvona-bieły ściah. Hurt zaśpiavaŭ svoj varyjant pieśni «Crazy little thing called love» hurta «Queen», a taksama ŭłasnuju pieśniu «Aściarožna, listapad» na vierš Hienadzia Buraŭkina. Adnak u efir trapiŭ tolki kavier.
Na pieršaj ža chvilinie zała ŭstała i pačała tančyć. U kančatkovym vyniku ŭsie sudździ skazali «tak» i prapuścili «Amplitudu śmiełaści» ŭ nastupny etap šou.
Čaćviorku sudździaŭ siomaha siezonu «Ch-Faktar» składajuć muzyčny pradziusier i kampazitar Kanstancin Mieładze, liderka hurta «The Hardkiss» Julija Sanina, artyst i kampazitar Andrej Daniłka, a taksama eks-lider «Quest Pistols Show» Anton Saŭlepaŭ.
Kamientary