U Mścisłavie da «Dažynak» dźvium vulicam viarnuli histaryčnyja nazvy
U Mścisłavie 24 vieraśnia prachodzić abłasny fiestyval-kirmaš «Dažynki-2016». U pačatku hetaj padziei dvum haradskim vulicam viernutyja histaryčnyja nazvy.
Jak paviedamiŭ načalnik hałoŭnaha ŭpraŭleńnia ideałahičnaj raboty, kultury i pa spravach moładzi Mahiloŭskaha abłvykankama Andrej Kuncevič, ciapier u histaryčnaj častcy Mścisłava źjavilisia vulicy z raniejšymi nazvami — Karmielickaja (byłaja Pieršamajskaja) i Pirahoŭskaja (byłaja Uryckaha). Akramia taho, rajonnyja ŭłady nazvali płošču ŭ centry horada imiem Piatra Mścisłaŭca. Raniej jana nie mieła nazvy.
Zhodna z prahramaj fiestyvalu, siońnia ŭ horadzie prachodziać śviatočnyja nabaženstvy, u tym liku aśviačeńnie rekanstrujavanaj Śviata-Trajeckaj carkvy. Akramia taho, napiaredadni «Dažynak-2016» u Mścisłavie źjavilisia abjekty ŭ styli draŭlanaha siaredniaviečnaha zamka z elemientami muziejefikacyi. «Užo zaviaršajucca raboty pa ŭznaŭleńni viežy «Danžon», dzie raźmieścicca muziejnaja ekspazicyja pad umoŭnaj nazvaj «Dreva žyćcia». Ideja hetaj ekspazicyi — sabrać ekspanaty, vyrablenyja z dreva. A takich ekspanataŭ šmat — pačynajučy ad bieraścianoj hramaty, znojdzienaj u Mścisłavie, i zakančvajučy pradmietami pobytu žycharoŭ hetych miaścin», — skazaŭ načalnik abłasnoha ŭpraŭleńnia ideałohii.
Pavodle jaho słoŭ, pobač z hetaj viežaj adnoŭleny budynak, jaki dazvoliŭ zrabić bolš prezientabielnym dla ahladu miesca raskopak horada XII stahodździa. «Tam ža płanujecca vystavić archieałahičnyja artefakty, znojdzienyja mienavita na Zamkavaj hary i na terytoryi Mścisłava. Darečy, hety prajekt udałosia realizavać dziakujučy ŭniviersitetu imia Kulašova — jaho vykładčykam i studentam», — adznačyŭ Kuncevič.
Jon taksama padkreśliŭ, što pobač sa Śviata-Trajeckim chramam dla ahladu adkryty elemient staroj Mścisłaŭskaj mastavoj XIX stahodździa. Takija mastavyja, vykładzienyja čyrvonaj cehłaj, rabili ŭ svoj čas u Hałandyi.
Da «Dažynak» u Mścisłavie praviedzieny raboty i pa ramoncie fasada karmielickaha kaścioła Ušeścia Najśviaciejšaj Panny Maryi.
Tamara Vińnikava pradała svoj łondanski dom, zaviešany karcinami samoj siabie ŠMAT FOTA23
Kamientary