U Breście la abłasnoj radzilni ŭstalavali śviatłodyjodny ekran dla vinšavańniaŭ mam
U Breście la abłasnoj radzilni ŭstalavali šyrokafarmatny śviatłodyjodny videaekran dla vinšavańniaŭ mam.
Realizavała prajekt bresckaja kampanija «Bebi media», piša BiełaPAN.
Jak paviedamiła dyrektar kampanii Hanna Kraviakova, ekran pamieram 3ch5 mietraŭ raźmieščany nasuprać pałat radzilni. Pakul jon pracuje ŭ testavym režymie. Dziakujučy takomu ekranu baćki i svajaki atrymajuć jašče adnu mahčymaść vykazać svaje pačućci i pavinšavać blizkaha čałavieka z naradžeńniem dzicia.
«Nieabchodna budzie źviarnucca da nas i vybrać šabłon videarolika, na asnovie jakoha śpiecyjalisty zrobiać vinšavańnie. Jano budzie tranślavacca na ekranie la radzilni kožnyja piać chvilin na praciahu dnia. Košt takoj pasłuhi — ad 30 rubloŭ», — skazała Kraviakova.
Pavodle jaje słoŭ, taki ekran la radzilni — pieršy ŭ Biełarusi.
Kamientary