Pieradvybarčy štab Chiłary Klintan apublikavaŭ jaje padatkovuju dekłaracyju
Bił i Chiłary Klintan zarabili ŭ 2015 hodzie 10,6 miljona dalaraŭ. Pra heta havorycca ŭ padatkovaj dekłaracyi, apublikavanaj vybarčym štabam Chiłary Klintan 12 žniŭnia.
Najbolšy dachod Klintany ŭ 2015 hodzie atrymali ŭ jakaści hanararaŭ — za pramovy, ź jakimi vystupaŭ na roznych mierapryjemstvach muž Chiłary, 42-hi prezident ZŠA (usiaho 5,2 młn dalaraŭ), a taksama za publikacyju knihi samoj Chiłary vydavieckaj kampanijaj Simon & Schuster (3 młn dalaraŭ).
U 2015 hodzie Klintany zapłacili padatki pa staŭcy 34,2%. Akramia taho, bolš za miljon dalaraŭ było nakiravana imi na dabračynnaść.
Jak adznačaje Associated Press, u 2015 hodzie siamja Klintan trapiła ŭ 0,1% samych zabiaśpiečanych siemjaŭ u ZŠA (99,9% amierykanskich siemjaŭ zarablajuć mienš).
Pieradvybarčy štab Chiłary Klintan apublikavaŭ jaje padatkovuju dekłaracyju, kab prymusić zrabić toje ž samaje jaje supiernika na vybarach Donalda Trampa.
Tramp apublikavać dadzienyja ab svaich zarobkach admaŭlajecca. Demakraty padazrajuć, što Tramp moh ŭchilacca ad vypłaty padatkaŭ u ZŠA.
Kamientary