Adna žančyna pamierła, i jašče jak minimum piać čałaviek byli paranienyja ŭ vyniku napadu, ździejśnienaha na płoščy Raseł-skvier u centry Łondana. Palicyjantam udałosia zatrymać napadnika.
Paviedamleńnie ab napadzie pastupiła ŭ palicyju ŭ sieradu ŭ 22:33 pa miascovym časie (00:33 čaćviarha pa Minsku). Toj chto patelefanavaŭ u palicyju, skazaŭ, što nieviadomy mužčyna z nažom atakuje minakoŭ.
Na miescy zdareńnia palicyja znajšła šeść paranienych. Adna žančyna pamierła praz karotki čas.
Napadnik byŭ aryštavany praz šeść chvilin paśla pastupleńnia pieršych paviedamleńniaŭ ab napadzie. Kab jaho zatrymać, palicyjantam pryjšłosia prymianić elektrašokiery.
Jak paźniej paviedamiŭ pradstaŭnik Skotłand-Jarda, zahinułaj było kala 60 hadoŭ, napadnikam akazaŭsia 19-hadovy junak. Jaho asoba pakul nie raskryvajecca. Pa dadzienych palicyi, viersija terarystyčnaha akta źjaŭlajecca adnoj z asnoŭnych.
Pavodle infarmacyi palicyi, papiarednija dadzienyja pakazvajuć na toje, što istotnym faktaram moh stać stan psichiki napadnika.
Ab stanie paciarpiełych i charaktary ranieńniaŭ pakul ničoha nie paviedamlajecca.
Jak paviedamlaje karespandent Bi-bi-si Endzi Mur, jaki znachodzicca na miescy padziej, rajon ačapleńnia byŭ pašyrany, na miescy zdareńnia znachodzicca vialikaja kolkaść palicejskich. Jak rastłumačyli ŭ Skotłand-Jardzie, na vulicach budzie dziažuryć bolšaja, čym zvyčajna, kolkaść palicejskich, kab zabiaśpiečyć spakoj žycharoŭ brytanskaj stalicy.
Palicyja pakul nie moža skazać, ci byli ŭ napadnika saŭdzielniki.
Raseł-skvier znachodzicca ŭ samym centry Łondana, pablizu ad mnostva turystyčnych słavutaściaŭ, u tym liku Brytanskaha muzieja, a taksama šerahu bujnych hatelaŭ.
Napiaredadni było abvieščana, što praz pahrozu teraktaŭ na vulicach Łondana stanie adčuvalna bolš uzbrojenych palicejskich patruloŭ.
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Kamientary