Ministerstva achovy zdaroŭja Iranu zabaraniła iranskim studentam atrymoŭvać adukacyju pa medyčnych specyjalnaściach u Biełarusi ad 1 žniŭnia. Pra heta piša iranski biznes-štodziońnik Financial Tribune.
«Pakul nia budzie paviedamlena pra inšaje, ministerstva nia budzie akredytoŭvać sertyfikaty studentaŭ, jakija praciahnuć navučańnie ŭ Biełarusi ad 1 žniŭnia,» — cytuje ahienctva ISNA namieśnika ministra adukacyi Iranu Chamida Akbary.
«Za apošni hod vialikaja kolkaść iranskich studentaŭ nakiravałasia ŭ hetuju ŭschodnieeŭrapiejskuju krainu, kab praciahnuć vyšejšuju adukacyju pa medyčnych specyjalnaściach, ale jany nie zmahli pastupić va ŭniversytet, i ich budučynia pad sumnievam», — zaznačyŭ Akbary.
Kab pastupić u Mienski medyčny ŭniversytet, zamiežnyja studenty pavinnyja spačatku advučycca na płatnych padrychtoŭčych kursach pry ŭniversytecie. Pry hetym kvota dla dalejšaha navučańnia zamiežnych studentaŭ — 200 miescaŭ, i sotni irancaŭ čakajuć mahčymaści vučycca pa ŭniversyteckaj prahramie, piša Financial Tribune. Ciapierašniaja zabarona nia budzie tyčycca tych, chto ŭžo skončyŭ padrychtoŭčyja kursy.
Pavodle vydańnia, zakłapočanyja baćki štodnia prychodziać ŭ Ministerstva achovy zdaroŭja Iranu i ŭ pasolstva Biełarusi ŭ Tehieranie. Financial Tribune piša, što ciapier u Biełarusi navučajecca kala 1600 iranskich studentaŭ, a kala 400 ŭžo atrymali dyplomy pa roznych specyjalnaściach.
Siońnia ž iranskija medyi paviedamili, što ŭ Biełaruś nakirujecca iranskaja delehacyja, kab pasprabavać vyrašyć prablemu z navučańniem maładych ludziej, jakija skončyli padrychtoŭčyja kursy.
-
Biełaruska praz sacsietku za šeść hadzin dapamahła italjancam znajści chłopčyka, jaki haściavaŭ u ich amal 30 hadoŭ tamu
-
Śviatłana Cichanoŭskaja ŭšanavała ŭ Kijevie pamiać zahinułych hierojaŭ
-
Redakcyja «Hrodzienskaj praŭdy» amal u poŭnym składzie kinułasia ŭ sacsietki kamientavać vizit Cichanoŭskaj u Kijeŭ
Kamientary