Paśla sieryi vypadzieńnia dziaciej z voknaŭ u Biełarusi Śledčy kamitet vyrašyŭ pravieryć vytvorčaść maskitnych sietak. Pra heta zajaviŭ staršynia SK Ivan Naskievič. Pavodle jaho słoŭ, śledčyja buduć vyśvietlać, «nakolki zajaŭlenyja techničnyja patrabavańni da maskitnych sietak na vokny adpaviadajuć ich realnamu stanu».
«Moža, varta zrabić tak, kab jany zmahli vytrymlivać vahu dziciaci? — cytuje słovy Naskieviča pres-słužba Śledčaha kamiteta sa spasyłkaj na BiełTA. — Dzieci ž nie razumiejuć, što abapiracca na sietku niebiaśpiečna. Jany dumajuć, što heta škło, abapirajucca na jaje — i laciać uniz razam ź joj: albo macavańnie nie adpaviadaje techničnym zadańniach, albo rviecca sama sietka».
Adnak prablema moža być nie tolki ŭ maskitnych sietkach. Ivan Naskievič adznačaje, što śledčyja, razhladajučy abstaviny trahičnych zdareńniaŭ, prychodziać da vysnovy: za paciarpiełymi dziećmi ŭ 90% vypadkaŭ nichto nie hladzieŭ. Jon pryznaje, što 24 hadziny ŭ sutki sačyć za dzicionkam niemahčyma, ale možna stvaryć takija ŭmovy, kab ź im ničoha kiepskaha nie adbyłosia.
Jak paviedamlałasia raniej, u Łojevie zahinuła 2-hadovaja dziaŭčynka, jakaja vypała z akna čaćviortaha pavierchu. Pierad hetym padobny vypadak zdaryŭsia ŭ Minsku, kali z akna 6-ha paviercha vypała čatyrochhadovaja dziaŭčynka.
Kamientary