«Biełarusbank» abviaściŭ ab praviadzieńni z 20 červienia pa 31 śniežnia akcyi pa daterminovym pahašeńni kredytaŭ na ŭmovach, vyznačanych bankam, u zamiežnaj valucie na finansavańnie nieruchomaści i spažyvieckija patreby.
Jak paviedamlaje pres-słužba banka, pry adnačasovym daterminovym pahašeńni kredytaŭ, vypłata pracentaŭ pa jakich robicca raŭnamiernymi ŭnioskami, kredytaatrymalniki vypłačvajuć tolki pracenty za biahučy miesiac i vyzvalajucca ad vypłaty pracentaŭ, naličanych i nie vypłačanych za pieryjad karystańnia kredytam.
U vypadku daterminovaha pahašeńnia kredytaŭ z vypłataj pracentaŭ za faktyčny čas karystańnia kredytaatrymalniki nie spłačvajuć pracenty, jakija padlahajuć vypłacie ŭ miesiacy daterminovaha pahašeńnia kredytu.
Uziać udzieł u akcyi mohuć kredytaatrymalniki, u jakich adsutničaje praterminavanaja zapazyčanaść pa kredytnaj damovie.
Akramia taho, pa infarmacyi «Biełarusbanka», kredytaatrymalnikam dajecca mahčymaść pieravodu ŭ biełaruskija rubli reštkaŭ zapazyčanaści pa kredytach u zamiežnaj valucie na ŭmovach, jakija dziejničajuć pa kredytnych damovach na datu zaklučeńnia dadatkovaha pahadnieńnia.
Dla kančatkovaha pahašeńnia zapazyčanaści pa kredycie, abo pieravodu zapazyčanaści pa valutnych kredytach u biełaruskija rubli klijentam nieabchodna źviartacca ŭ słužbu kredytavańnia nasielnictva ŭstanovy banka pa miescy zaklučeńnia kredytnaj damovy dla afarmleńnia dadatkovaha pahadnieńnia da kredytnaj damovy.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ28
Kamientary