BATE razmazaŭ «Krumkačoŭ» — 5:0 ANŁAJN
22:48
Usio, hulnia skončyłasia. 5:0! «Krumkačy» pravalili hety barysaŭski ekzamien, ale ž napieradzie jašče 18 turaŭ.
Dziakuj usim, chto sačyŭ za anłajn-tranślacyjaj na sajcie nn.by.
22:46
Sudździa dadaje 2 chviliny da asnoŭnaha času. Najlepšym hulcom u składzie BATE byŭ nazvany Michaił Hardziajčuk, u «Krumki» — Filip Ivanoŭ.
22:45
Dadzieny matč zaśviedčyŭ, što na siońniašni momant BATE i «Krumkačy» — heta kamandy z roznych vahavych katehoryj, nastolki vidavočnaj była pieramoha barysaŭcaŭ. Haściam ža tolki zastajecca kačać muskuły, kab u hulni ŭ Minsku takaja hańba nie paŭtaryłasia.
22:42
Emocyi bjuć praz kraj. Nievialikaja bojka ŭ nas adbyłasia pamiž futbalistami. Sudździa svoječasova paśpieŭ jaje raźniać.
22:38
Zusim biazvolnymi stali «Krumkačy». BATE robić lik užo nieprystojnym — 5:0. Jaki bol! Jaki bol! Adznačyŭsia Vital Radzivonaŭ, zabiŭ hałavoj paśla fłanhavaj pieradačy.
22:34
O, cudoŭnaja dla BATE padzieja! Na hazonie źjaviŭsia forvard Mikałaj Sihnievič, jakoha mučała traŭma. Heta pieršaja hulnia napadnika ŭ hetym siezonie. Zamianiŭ jon Alaksandra Karnickaha.
22:32
«Ciše, dzievački, nie płačcie», — śpiavajuć jak fanaty, hetak i «kuźmičy» BATE.
22:31
Adrazu ž za hetym Ihar Stasievič sastupiŭ miesca na poli estonskamu lehijanieru Arturu Piku.
22:30
Pad maje takija razvahi naradžajecca hoł čaćviorty. Ihar Stasievič pramym udaram sa štrafnoha adpraŭlaje miač u sietku — 4:0.
U nas tut choć hały jość, a ŭ matčy Francyja - Ałbanija ŭsio jašče 0:0.
22:29
Intryha pamierła. Mabyć, adzinaje pytańnie: kolki ŭsio ž hałoŭ siońnia zabjuć barysaŭcy?
22:25
Adrazu dźvie zamieny ŭ «Krumkačoŭ». Hajeva pamianiaŭ Talejka, Šykaŭku — Saniec.
U BATE zamianili hieroja hulni Michaiła Hardziejčuka, zamiest jaho źjaviŭsia Alaksiej Ryas.
22:23
Baciščaŭ pravieryŭ Černika. Na miescy jašče bramnik BATE. Chutka kažuć, što budzie abaraniać kolery francuzskaha «Nansi».
22:19
Skažuć, što nakarkaŭ. 3:0. BATE robić pieravahu bujnoj, a Michaił Hardziajčuk vychodzić u adzinaasobnyja lidary bambardzirskaj honki. Ci spyniacca na hetym barysaŭcy?
22:16
Karnicki vydaŭ pas-cukieračku na Radzivonava, jaki pavinien byŭ rasstrelvać bramu supiernika, ale niejkim dzivosnym čynam trapiŭ u bramnika. Niejkaja u «Krumkačoŭ» apatyja pačynajecca, kab im jašče nie adchapić paru-trojku hałoŭ.
22:11
Na hulni prysutničaje były redaktar haziety «Priessboł» Uładzimir Bieražkoŭ. Turma vielmi mocna adbivajecca na čałaviečych abliččach, Bieražkoŭ źniešnie zusim nie padobny na siabie dvuchhadovaj daŭniny.
22:09
Jak zaŭsiody na hulni ŭ Barysavie niepaŭtornaja Hanna Bond, fota ź jaje instahrama.
22:06
2:0! Biez šancaŭ dla Fiedarenki ŭdaryŭ Michaił Hardziajčuk. Miač i bramnik byli raźviedzienyja pa roznych kutach.
Dla Hardziejčuka - heta siomy hoł u čempijanacie. Dahaniaje ŭ bambardzirskaj honcy Maksim Skavyša z žodzinskaha «Tarpieda».
22:05
Pienalci! Bić budzie BATE.
22:03
U «Krumkačoŭ» na zamienu vyjšaŭ Siarhiej Košal — samy aryhinalny futbalist Biełarusi. Pačytajcie hetuju hutarku dla padniaćcia nastroju. Futbalist, jaki nazyvaje siabie «Akadam».
22:02
Pačaŭsia druhi tajm! Na trybunach prysutničaje 6768 čałaviek.
21:46
Ničoha nie dadaje arbitr. Pieršy tajm skončany. BATE pakul pieramahaje 1:0. Čakajem 15 chvilin.
21:43
Ahłušalnym śvistam sustrakajuć trybuny luboje sprečnaje rašeńnie hałoŭnaha arbitra sustrečy. Navat niešta pra «kantrabasa» było čuvać. Žaŭnierčyk atrymaŭ papiaredžańnie.
21:38
Dziadula zhubiŭ dzicia na stadyjonie. Dyktaru daviałosia ahučvać, što mały znajšoŭsia ŭsio ŭ paradku. Prasiŭ dziadulu zabrać chłopčyka. Usio skončyłasia dobra. Znajšoŭsia i dziadula, i chłopčyk:)
21:36
Minskija chipstary krychu zažurylisia. U «Krumkačoŭ» ničoha nie atrymlivajecca ŭ atacy. Nu dyk, prabačcie, nie z «Naftanam» hulajecie. U matčach z BATE zvyčajnyja padychody nie dziejničajuć, kłas u hulcoŭ adpaviedny.
21:30
Jašče niekalki razoŭ barysaŭcy razryvali abaronu «Krumkačoŭ». Pakul nie lacić miač paŭtorna ŭ bramu haściej. Ivanič i Radzivonaŭ mahli zabivać.
21:26
Pahladzim, što ciapier buduć rabić «Krumkačy». Haściach musova treba zraŭnivać lik, adnak BATE ŭpeŭniena kantraluje hulniu.
21:24
Hoł!!! BATE adkryvaje lik u hulni. Da miača pryviała padača kutniaha. Adznačyŭsia Juryj Kiendyš, jaki ŭ hetaje mižsiezońnie pierajšoŭ u BATE ź litoŭskaha «Žalhirysa».
21:23
Fanaty BATE zaradžajuć: «Ad…si ŭ žoŭta-sinich». Nie nadta takija pavodziny krasiać hulniu.
21:22
Na stadyjonie smačna zapachła niejkaj vypiečkaj.
21:20
Na 19-aj chvilinie narešcie vostry momant stvarajuć «Krumkačy». Idzie padača kutniaha i hulec haściej bje hałavoj — krychu mima. Vielmi niebiaśpiečna. Minčuki pačynajuć ahryzacca.
21:17
Ničoha asablivaha, prosta hulnia BATE - «Krumkačy».
21:14
Darujcie, usio jašče nie adznačyŭ fanataŭ «Krumkačoŭ», što pryjechali na sustreču ź Minska. Heta dastatkova ŭnušalny siektar u čornych (kłubnych) kolerach. Mabyć, čałaviek 200 jość. Pryhoža śpiavajuć himn svajho kłuba pra «chłopcaŭ z tutejšych miaścin».
Barysaŭski fan-siektar, moža być, i nie nadta bolšy, ale dakładna lepš arhanizavany, tamu jon bolš hučny i aktyŭny. «Krumkačy» tolki vučacca.
21:10
BATE stvaryŭ pieršy sapraŭdy vostry momant la varot haściej, ale Fiedarenka pieravioŭ miač na kutni.
Tym časam pačynajuć padychodzić pieršyja zdymki z hulni ad Siarhieja Hudzilina.
21:08
Och ty voooožyk! Jašče adzin siektar «Barysaŭ-Areny» zapaŭniać sałdaty. Vidovišča psichadeličnaje, kaniečnie.
21:06
Pieršaja žoŭtaja karta ŭ hulni. Šykaŭka vielmi žorstka sustrakaje abaroncu BATE Miłunaviča. Da sudździ pytańniaŭ niama.
21:03
Nie, hledačoŭ značna paboleła. Nie ździŭlusia, kali ŭ vyniku budzie 7-8 tysiač. Usio ž jość, jość intares u Barysavie da svajho kłuba.
Pieršuju ataku pravodziŭ BATE, ale Maksim Vaładźko nie zmoh abhulać svaje ž nohi. Śledam idzie ŭdar pa bramie «Krumkačoŭ» — mima.
21:01
Hulnia pačałasia!
Darečy, varta adznačyć novy hazon na «Barysaŭ-Arenie». Prynamsi vyhladaje jon šykoŭna.
20:58
Kamandy vychodziać na pole. Publika reahuje vielmi pryjazna.
20:56
Ludziej na trybunach pakul moža tysiač piać. Jašče jość čerhi na ŭvachodach. Adnak mahčyma častku barysaŭskich zaŭziataraŭ adciahnuŭ z trybun Jeŭra-2016.
Zatoje ceły siektar addadzieny dla sałdataŭ ź blizkich Piačej.
20:53
Dyktar na barysaŭskim stadyjonie pazyčyŭ pośpiechu «Krumkačam», ale tolki nie ŭ siońniašniaj hulni.
Hučyć himn BATE. Toj samy, dzie «BATE — eto on, eto on, BATE - eto naš čiempion».
20:41
«Krumka» ŭpieršyniu na «Barysaŭ-Arenie». Pahladzim, ci ŭdałym atrymajecca debiut?
20:38
«Krumkačy» hulajuć u biełaj formie, BATE — u siniaj.
***
Siońnia ŭ Barysavie adbudziecca adna z najbolš intryhoŭnych sustreč pieršaj pałovy čempijanata Biełarusi pa futbole. Šmathadovy čempijon krainy, a taksama lidar hetaha pieršynstva prymaje dziorzkaha navička – «Krumkačy».
«Krumkačy» ŭžo paśpieli narabić šorachu ŭ čempijanacie. Kamanda atrymała piać pieramoh u adzinaccaci hulniach i na dadzieny momant raźmiaščajecca na trecim radku ŭ tablicy.
Asabliva jarkaj u «Krumki» atrymałasia hulnia ź minskim «Dynama». Navičok atrymaŭ zvyšupeŭnienuju pieramohu ź likam 4:1.
BATE i «Krumkačoŭ» adździalaje 4 punkty.
Sajt nn.by budzie vieści anłajn-tranślacyju z hulni.
***
Składy kamand.
BATE: Černik, Karnicki, Ivanič, Žaŭnierčyk, Miłunavič, Radzivonaŭ, Stasievič, Palakoŭ, M.Vaładźko, Hardziajčuk, Kiendyš.
«Krumkačy»: Fiedarenka, Hajeŭ, Vasileŭski, Baciščaŭ, Ivanoŭ, Skšyniecki, Ščehrykovič, Šykaŭka, Kałuhin, Jašyn, V.Hleb.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ28
Kamientary