Zasnavalnik Microsoft Bił Hiejts abviaściŭ ab zapusku maštabnaj kampanii pa vyroščvańni kurej z metaj dapamahčy biednym krainam trapičnaj Afryki.
Hiejts paabiacaŭ dać rehijonu 100 tysiač kurej. Pavodle jaho słoŭ, vyroščvańnie i prodaž ptušak moža być efiektyŭnym i chutkim sposabam baraćby z halečaj.
Na staroncy prajekta adznačajecca, što raźviadzieńnie kurej źjaŭlajecca niezatratnym i vyhadnym biznesam dla biednych siemjaŭ, a kurynyja jajki asabliva karysnyja dla dziaciej.
«Moža zdacca paciešnym, ale mnie sapraŭdy padabajecca hetaja ideja z raźviadzieńniem kurej», — skazaŭ Hiejts.
Pavodle padlikaŭ miljardera, fiermier, jaki maje ŭsiaho piać kurej, užo praz try miesiacy moža pavialičyć ich kolkaść da 40, i jaho hadavy dachod moža pieravysić 1000 dalaraŭ (pry parozie biednaści ŭ 700 dalaraŭ u hod).
Meta prajekta składajecca ŭ tym, kab dapamahčy 30% sielskich siemjaŭ u trapičnaj Afrycy vyroščvać zdarovych, pryščeplenych kurej. Ciapier hetym zajmajucca tolki kala 5% siemjaŭ.
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Kamientary