Jeŭrakamisija ŭ sieradu vyłučyła zakanadaŭčuju prapanovu admianić vizy dla hramadzian Kosava.
Pra heta zajaviŭ jeŭrakamisar pa ŭnutranych spravach i pytańniach mihracyi Dzimitrys Aŭramopułas.
Prapanova była padadzienaja razam sa stanoŭčaj acenkaj Jeŭrakamisii, jakaja paćviardžaje, što Kosava vykanała patrabavańni «darožnaj karty» pa libieralizacyi vizavaha režymu.
«Heta vynik napružanaj pracy i paśpiachovych namahańniaŭ uładaŭ Kosava ŭ praviadzieńni składanych reformaŭ u śfiery justycyi i ŭnutranych spraŭ i za ich miežami, u pryvatnaści ŭ takich śfierach, jak viaršenstva prava i reforma pravasudździa», — adznačyŭ jon.
«Ja viedaju, jak važna heta dla naroda Kosava, i ja vielmi zadavoleny dasiahnutym prahresam. Ja spadziajusia, što Jeŭrapiejski parłamient i Rada ES vielmi chutka prymuć našu prapanovu», — padkreśliŭ jeŭrakamisar.
Raniej jeŭrakamisar Jochanes Chan vykazaŭ nadzieju, što hramadzianie Ukrainy, Hruzii i Kosava zmohuć jeździć bieź vizaŭ u ES u 2016 hodzie.
Kamientary