Ministr sportu RF i kiraŭnik RFS Vital Mutko paviedamiŭ, što ŭ pačatku krasavika čakajecca infarmacyjny ŭkid ŭ ŚMI pra toje, što Rasija kupiła prava praviadzieńnia ČS-2018.
«Infarmacyjny ŭkid ŭ presie Hiermanii pra toje, što prava praviadzieńnia čempijanatu śvietu pa futbole ŭ 2018 hoda ŭ Rasii było nabyta, čakajecca 7-8 krasavika», — pryvodzić słovy Mutko «R-Sport».
«U nas jość infarmacyja, što 7 i 8 krasavika ŭ niamieckich vydańniach budzie vialiki artykuł z sensam — «ruskija kupili čempijanat». My na heta budziem reahavać — vieści šyrokuju kampaniju. Kanhres FIFA ŭ Mieksicy budziem vykarystoŭvać.
Aścierahacca možam tolki abhavoru, kali niechta skaža, što my da niečaha datyčnyja. Hetaha bolš za ŭsio my baimsia, što pryjdziecca apraŭdvacca», — cytuje Mutko TASS.
Ministr sportu nie staŭ raskryvać detali mahčymaj publikacyi. Taksama Mutko ŭ čarhovy raz padkreśliŭ sumlennaść i adkrytaść, ź jakimi Rasija vyjhrała prava praviadzieńnia čempijanatu śvietu, i zajaviŭ, što ni ŭ kaho nikoli nie było da Rasii pytańniaŭ pa hetaj temie.
Kamientary