Lepš nie stała. U studzieni biełaruski ekspart praciahnuŭ padać dvuchznačnym tempam
U studzieni 2016 hoda biełaruski ekspart tavaraŭ i pasłuh źniziŭsia na 18,5% da studzienia minułaha hoda — da 1,976 młrd dalaraŭ. Hod tamu ŭ studzieni taksama było surjoznaje padzieńnie ekspartu — na 24,2%, h.zn. studzień hetaha hoda akazaŭsia horšym za studzień dakryzisnaha 2014 hoda ŭžo na 38%. Pry hetym salda handlu tavarami i pasłuhami ŭ pačatku 2016 ha akazałasia stanoŭčym - 111,2 młn dalaraŭ, ale heta ŭ 4 razy mienš stanoŭčaha studzieńskaha salda minułaha hoda, paviedamlaje Nacbank.
Źnižeńnie studzieńskaha ekspartu da śniežnia minułaha hoda skłała 26,8%.
Impart tavaraŭ i pasłuh u studzieni ŭpaŭ na 5,2% - da 1,865 młrd.
Stanoŭčym akazałasia i tradycyjna minusujučaje salda handlu tavarami - 6,4 młn dalaraŭ (zrešty, minuły hod taksama pačynali ź plusu, ale ŭ vyniku admoŭnaje salda pa vynikach hoda skłała minus 2,118 młrd dalaraŭ).
Ekspart tavaraŭ u studzieni 2016 ha hoda skaraciŭsia na 21,2% - da 1,561 młrd dalaraŭ, impart - na 8,3%, da 1,555 młrd.
Bolš surjozny ŭkład u dadatnaje salda ŭnieśli pasłuhi. Źnižeńnie ich ekspartu było bolš ścipłym - abjom skłaŭ 415 młn dalaraŭ, što na 6,6% mienš studzienia 2015 hoda hoda. Impart vyras na 14,3%, skłaŭšy 310,2 młn dalaraŭ. Salda źniešniaha handlu pasłuhami było stanoŭčym - 104,8 młn dalaraŭ.
Ciapier čytajuć
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Kamientary