Prakuratura Bierlina razhladaje druhoje abvinavačvańnie suprać žurnalista rasijskaha «Pieršaha kanała», jaki raskručvaŭ sfalsifikavanuju historyju pra nibyta zhvałtavanuju mihrantami dziaŭčynku z ruskamoŭnaj siamji.
Pra heta paviedamlaje Radyjo Svaboda sa spasyłkaj na infarmacyju advakata Marcina Łujtle.
Łujtle pradstaŭlaje intaresy palicyjanta Volfa Rajšara, jaki abvinavaciŭ reparciora «Pieršaha kanała» Ivana Błahoha ŭ paklopie na niamieckuju palicyju.
22 studzienia Łujtle ŭžo padaŭ suprać Błahoha inšuju kryminalnuju skarhu, abvinavaciŭšy žurnalista ŭ raspalvańni varožaści suprać mihrantaŭ. Pa hetym abvinavačvańni Błahomu moža pahražać da piaci hadoŭ pazbaŭleńnia voli.
U prakuratury Bierlina paviedamili, što jašče razhladajuć abodva pradstaŭleńni.
Jak paviedamlałasia, 16 studzienia ŭ siužecie rasijskaha «Pieršaha kanała» ab časovym prypynieńni Aŭstryjaj dziejańnia Šenhienskaha pahadnieńnia z-za vypadkaŭ hvałtu ŭ Hiermanii raskazali pra niepaŭnaletniuju dziaŭčynku Lizu z ruskamoŭnaj siamji, jakuju nibyta vykrali i zhvałcili, imavierna, mihranty z krain Blizkaha Ŭschodu.
Adnak paśla stała viadoma, što videa, jakoje pakazaŭ «Pieršy kanał», nie maje dačynieńnia da historyi sa «zhvałtavańniem» — rolik byŭ apublikavany na YouTube jašče ŭ vieraśni 2009 hoda.
Palicyja Bierlina zajaviła, što paviedamleńni ab vykradańni i zhvałtavańni mihrantami ruskaj dziaŭčynki, raspaŭsiudžanyja ŚMI RF, akazalisia pamyłkovymi.
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Kamientary