Čamu Biełarusi nie varta mieć čužyja avijabazy? ZŠA raskryli śpis celaŭ dla bambiožak u vypadku atamnaj vajny
ZŠA źniali hryf «sakretna» i apublikavali na dniach dakumient 1956 hoda, jaki pieraličvaje celi dla atamnych bambiožak u vypadku vajny suprać SSSR.
Pra heta paviedamiŭ sajt nsarchive.gwu.edu.
Płanavałasia, što avijacyja NATA i SSSR u pieršyja ž dni vajny pačnuć ahromnych maštabaŭ bitvu ŭ pavietry, padčas jakoj amierykanskaja stratehičnaja avijacyja z atamnaj zbrojaj budzie pierš za ŭsio bambić bazy savieckich samalotaŭ.
Saviecki bambardziroŭščyk M-4.
Dakumant składzieny i napisany ŭ epochu da źjaŭleńnia mižkantynientalnych balistyčnych atamnych rakiet, kali hałoŭnym dastaŭščykam atamnych bomb byli bambardziroŭščyki.
Kožnaja avijabaza atrymlivała numar u paradku pryjarytetu źniščeńnia.
Ličby 1 i 2 atrymali vajskovyja aeradromy ŭ Bychavie i Oršy, dzie amierykanskaja raźviedka znajšła bambardziroŭščyki Tu-16, jakija pahražali vojskam i nasielnictvu NATA ŭ Jeŭropie.
Była infarmacyja i pra toje, što tam mohuć znachodzicca stratehičnyja bambardziroŭščyki M-4, jakija mahli nanieści ŭdar pa ZŠA.
Z 20 samych važnych celaŭ dla bambiožki ŭ Biełarusi znachodzilisia jašče avijabazy ŭ Baranavičach, Babrujsku, Mačuliščach pad Minskam i Prybytkach pad Mahilovam.
U tym vypadku, kali SSSR paśla hetaha admovicca pajści na pieramovy, płanavałasia bić pa naziemnych vojskach, pramysłovych abjektach, haradach.
U 1960-m hodzie ZŠA mieli 18.638 atamnych bomb. SSSR, jaki tady adstavaŭ u atamnym spabornictvie, mieŭ 1.605.
Kamientary