Žanr: fantastyka, pryhody
Režysior: Frensis Łoŭrens
U rolach: Dženifier Łoŭrens, Džoš Chatčarsan, Liam Chiemsvart, Vidzi Charelsan, Donald Sazierlend, Filip Siejmur Chofman, Džulijana Mur, Uiłaŭ Šyłds
ZŠA, 137 chv.
Adznaka: 6
Kitnis Evierdzin stała simvałam paŭstańnia žycharoŭ dystryktaŭ, jakija viaduć baraćbu suprać Kapitolija i prezidenta Snou. Paŭstancy na čale z prezidentam Koen praviali śpiecapieracyju pa vyzvaleńni Pita Miełarka, ale jaho śviadomaść była apracavanaja dla zabojstva Kitnis. Jon pakrysie viartajecca da žyćcia i dałučajecca da apošniaj bitvy hramadzianskaj vajny suprać Kapitolija.
Film źniaty pa matyvach ramana amierykanskaj piśmieńnicy i scenarystki Sjuzan Kolinz «Sojka-pieraśmiešnica». Heta apošniaja kniha tryłohii, jakaja dla ekranizacyi była raźbitaja na dźvie častki. Pieršaja ź ich vyjšła na ekrany letaś.
Zdymki pieršaj i druhoj častki «Sojki» vialisia paralelna. Jany pačalisia ŭ Atłancie, pieramiaścilisia na dva tydni ŭ Paryž i zaviaršylisia ŭ Bierlinie. Hałoŭnuju rolu vykanała Dženifier Łoŭrens, adna z samych maładych łaŭreatak «Oskara» (hałoŭnaja žanočaja rola ŭ filmie «Moj chłopiec — varjat»).
Filip Siejmur Chofman, jaki syhraŭ u filmie rasparadčyka hulniaŭ Płutarcha Chevienśbi, pamior u lutym 2014 u Ńju-Jorku. Jon paśpieŭ skončyć pracu nad pieršaj častkaj i amal zaviaršyŭ pracu nad druhoj. Paźniej było zajaŭlena, što piersanaž Chofmana budzie ŭznoŭleny z dapamohaj ličbavych technałohij sa scen, źniatych raniej.
Treciaja kniha tryłohii — samaja słabaja, a padzieł jaje ekranizacyi na dźvie častki nie dadaŭ karyści siužetu. Tut jon vyhladaje takim ža raściahnutym, jak i ŭ pieršaj častcy. Pieraniesieny na ekran, siužet vyjaviŭ usie svaje chiby: amurnaja linija zastałasia takoj ža niedapracavanaj, a finał — sprečnym. Vyklikaje zachapleńnie tolki vizualnaja daskanałaść filma.
Maje ŭzrostavaje abmiežavańnie 16+.
-
«Skončycie ŭžo hetu bojniu». Režysior Źviahincaŭ atrymaŭ Hran-pry Kanskaha fiestyvalu i źviarnuŭsia sa sceny da Pucina
-
«Spačatku žančyny»: u hetym filmie žančyny kirujuć śvietam, a mužčyny vučacca być spakuślivymi, kab zrabić karjeru
-
«Minataŭr» Andreja Źviahincava — antyvajennaja drama, jakuju stojačy vitali ŭ Kanach
Kamientary