Ad pajezdki ŭ Jehipiet admaŭlajucca nie bolš za 2% biełaruskich turystaŭ
Pra heta paviedamiŭ BiełTA dyrektar departamienta pa turyźmie Minsportu i turyzmu Vadzim Karmazin.
«Pik zvarotaŭ byŭ u subotu, 7 listapada, kali byli zvanki i žadańni admovicca ad pajezdki. Ciapier pracent admoŭ ad turaŭ u Jehipiet — nie bolš za 2%. I heta taksama i pra tych, chto papiarednie admoviŭsia ad Jehipta, ale pierabraniruje tur na inšuju krainu ci inšuju datu», — adznačyŭ Vadzim Karmazin.
Pavodle jaho źviestak, u minułyja vychodnyja ź Minska na adpačynak u Jehipiet tolki pa pucioŭkach turapieratara Tez Tour vylecieli 143 čałavieki.
Minsportu i turyzmu Biełarusi nahadvaje, što turysty majuć prava źviarnucca ŭ svaju kampaniju z prośbaj pierabraniravać tur na inšuju datu abo inšuju krainu. Pry admovie ad pajezdki ŭ Jehipiet turfirmy mohuć viarnuć nie ŭsiu sumu, h.zn. utrymać faktyčna paniesienyja vydatki. Hetyja sumy pavinny paćviardžacca dakumientalna i adlustroŭvać realnyja vydatki kampanij, a nie prosta sumu vydatkaŭ abo zahadzia zafiksavany ŭ damovie pracent ad koštu tura. Tym, chto zaraz znachodzicca na adpačynku ŭ Jehipcie, varta prytrymlivacca maršrutu padarožža ŭ adpaviednaści z nabytym turam i vykonvać vyraznyja ŭkazańni kiraŭnika turhrupy abo hida prymajučaha boku.
Rasija 6 listapada spyniła ŭsie rejsy ŭ Jehipiet da vyśviatleńnia pryčyn avijakatastrofy samalota A321.
Jehipiet tradycyjna ŭvachodzić u top-10 pieravah biełaruskich turystaŭ. Tak, u 2014 hodzie hetaja kraina stała treciaj pa papularnaści — na jehipieckich kurortach adpačyli 94 tys. biełarusaŭ
Kamientary