Staličnaja milicyja acaniła svaje pasłuhi padčas šeścia na Dziady ŭ 32 młn rubloŭ
Jak paviedamiŭ namieśnik staršyni Kansiervatyŭna-chryścijanskaj partyi — BNF Juryj Bieleńki, infarmacyja pra toje, što ŭ 32 młn rubloŭ arhanizataram akcyi abyšlisia pasłuhi chutkaj dapamohi i kamunalnych słužbaŭ, jakuju raspaŭsiudzili pravaabaroncy, pamyłkovaja.
Pavodle słoŭ Bieleńskaha, napiaredadni akcyi paminańnia prodkaŭ, jakaja prajšła ŭ Minsku 1 listapada, arhanizatary atrymali ad HUUS Minharvykankama dahavor na akazańnie pasłuh supracoŭnikaŭ milicyi padčas šeścia na sumu 32 młn rubloŭ. Bieleńki paviedamiŭ, što nie staŭ padpisvać dahavor, pakolki ŭ aficyjnym dazvole Minharvykankama na praviadzieńnie akcyi nakont apłaty pasłuh ničoha nie havaryłasia.
Patrabavańnie ab apłacie pasłuh milicyi, miedykaŭ i pažarnych padčas mitynhu va ŭročyščy Kurapaty vystaviŭ Minski abłvykankam. Adnak arhanizatary paličyli heta patrabavańnie niepravamiernym, pakolki z praŭładnaj arhanizacyi «Biełaruski respublikanski sajuz moładzi» hrošaj pry praviadzieńni masavych mierapryjemstvaŭ ułady nie biaruć.
Bieleńki paviedamiŭ, što jon źviarnuŭsia ŭ Minabłvykankam z prośbaj vyzvalić arhanizataraŭ mitynhu ŭ Kurapatach ad apłaty pasłuh dziaržustanoŭ. Adkazu na hety zvarot pakul jašče nie było.
-
Palitviaźnia Uładzimira Knihu treci raz buduć sudzić za «złosnaje niepadparadkavańnie» ŭ kałonii
-
Sieviaryniec: My nie pavinny być ružovymi poni i kazać, što my budziem hładzić pa hałavie tych samych kadebistaŭ albo śpiecnazaŭcaŭ, jakija bjuć ludziej
-
«Łukašenka nazvaŭ nas deziercirami». Historyja biełaruski, jakaja ŭ 1970‑ja ŭciakła ź biełaruskaha kałhasa ŭ Litoŭskuju SSR
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca5
Kamientary