Fiermierskija haspadarki pracujuć bolš efiektyŭna, čym sielskahaspadarčyja pradpryjemstvy, zajaviŭ siońnia ministr sielskaj haspadarki i charčavańnia Leanid Zajac na sumiesnym pasiadžeńni abiedźviuch pałat parłamienta.
«Efiektyŭnaść fiermierskich haspadarak na 8% vyšejšaja, čym sielskahaspadarčych pradpryjemstvaŭ u cełym», — skazaŭ ministr, adkazvajučy na pytańnie deputata Mikałaja Ivančanki.
Pavodle źviestak ministra, u Biełarusi ciapier bolš za 2,9 tys. Fiermierskich haspadarak. Heta 2% ad vałavoj pradukcyi sielskaj haspadarki pa krainie. Akramia taho, takija haspadarki vykarystoŭvajuć 1,9% sielhasuhodździaŭ. Dziaržava akazvaje padtrymku fiermieram, u 2011—2015 hadach na heta vydzielena Br567 młrd.
Leanid Zajac padkreśliŭ, što ŭ biełaruskich sielhaspradpryjemstvaŭ jość vialiki rezierv. U pryvatnaści, jon adznačyŭ, što na adnu karovu ŭ siarednim nadoj składaje ŭ hod kala 4 tys. 700 kh małaka, u toj čas jak u Jeŭropie atrymlivajuć u dva razy bolš. U toj ža čas, ličyć kiraŭnik viedamstva, «jość mahčymaść vyraści značna bolš».
Pry hetym jon skazaŭ, što «raści treba na jakasnyja pakazčyki». U suviazi z hetym, padkreśliŭ ministr, nieabchodna dać bolš samastojnaści kiraŭnikam sielhaspradpryjemstvaŭ.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ11
Kamientary